Te Otinako 15:11 - Te B'aib'ara

¹¹ “Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Te Otinako 15:11 ပူးပေါင်းရင်းမြစ်များ

2.Tamuera 7:22

Te UEA ae Moan te M'aaka, Ko korakora riki nakoia ake tem'angina. Bon akea ae ti te bo ma Ngkoe, bon ti Ngkoe te Atua. A bane ni koaua b'aai ni kabane aika taekam ake ti ongo.

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

1.Rongorongo 16:25

E korakora te UEA ao ti bon riai n anganna ara nebonebo ae moan te bati! Bon ti Ngaia te Atua ae e riai taromauriana iroura

2.Rongorongo 2:5

E na riki b'a te Tembora ae moan te kakannato, i bukina ngke E kakannato riki Atuara nakoia anti ake tabem'aang.

2.Rongorongo 6:14

ao e tataro ni kaangai: Te UEA ae Atuan Iteraera, bon akea temanna te atua i karawa ke i aonnaba ae ai arom! Ko bon aki konaa ni m'aninga te boraraoi are ko karaoia ma am aomata, ao ko kakaonimaki nakoia akana a kakaonimaki n ongotaeka nakon am reirei.

Taian Areru 113:5

Akea n ai aron te UEA ae Atuara. E mena ana kaintokanuea i etani karawa,

Taian Areru 119:120

I ruru b'a I makuko: I maaku n am Moti.

Taian Areru 136:4

Bon ti Ngaia ae karaoi kakai aika ab'ab'aki; b'a akea tokin ana Tangira.

Taian Areru 145:17

E raoiroi te UEA ni baika E karaoi, ao E nanoanga n arona ni kabane.

Taian Areru 22:23

Kam na kamoamoaa, ngkami aika kam toro iroun te UEA; Kam na karinea, ngkami aika ana kariki Iakob'a; Ao kam na bane ni maaku i rouna, ngkami aika Iteraera.

Taian Areru 35:10

N na taetae ma nanou ni koaua ni kaangai, “Akea n ai arom: b'a Ko kawakinia akana mamara mairouia akana korakora, ao akana akea aia b'ai mairouia akana b'ainikirina te aba.”

Taian Areru 60:2

Ko a tia ni kam'aeieia aon te aba, ao Ko a tia naba ni bwenauaia ni kaukia; katoka ikoakina ngkai, b'a ae e nang aki reke arona.

Taian Areru 66:5

Kaaraki, noori baika kamimii, aika ana m'akuri te Atua i buakoia aomata.

Taian Areru 77:11

Te UEA, N na aki m'aninga taekani baike Ko a tia ni karaoi; N na ururing baike a kamimii ake Ko karaoi ngkoa.

Taian Areru 77:14

Bon te Atua Ngkoe ae Ko kakaraoi b'aai ni kamimii; Ko kaota korakoram i buakoia botannaomata.

Taian Areru 77:19

Ko nakonako ri buakon naao; Ko ri nuukani kabini marawa, Ao a aki noraki m'anekam.

Taian Areru 86:10

Ko kakannato ao Ko karaoi baika kamimii; Bon ti Ngkoe te Atua.

Taian Areru 86:8

Te UEA, akea te atua temanna ae ai arom, Ao akea i buakoia ae e a tia ni karaoa are Ko a tia ni karaoia.

Taian Areru 89:18

Boni Ngkoe, te UEA, ae Ko rinea ae na kamanoira; Boni Ngkoe, Atuan Iteraera ae tabu, ae Ko anganira ara uea.

Taian Areru 90:11

Ai antai ae a tia n namakina aroni korakoran unim, ke n ataa kakamaakuna?

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Te Otinako 20:3

Tai manga taromauria te atua riki temanna b'a ti Ngai.

Te Otinako 3:20

Ma ngaia are, N na kamanenaa m'aakau ni karaoi taian kamimii n aroia nako ma n oroia kaain Aikubita ni kab'akaia. Ao ane e na kanakoi ngkami iai te uea.

Te Otinako 8:10

Ao e taku te uea, “Ko na karaoia nakon te ingabong. Ao e kukurei iai Moote ao e kaangai, “Ngkana ko tangiria. Ao a na bane aomata n ataia b'a bon akea riki te anti ae ai aron te UEA,

Te Otinako 8:6

Ao e ongotaeka Aaron, ao a rina n roko taian biraoki ni kabuta aon Aikubita.

Te Otinako 9:14

Bon aei te tai are N na aki ti katuaaia am mataniwi ma am aomata, ma N na bon katuaaeko naba, b'a ko aonga n ataia b'a bon akea ae ai arou n te aonnaba aei ni kabutaa.

Itaia 30:11

Ani katoka te b'ai ae e a tia n taekinna te Atua! Ti aki kani manga ongo taekan Atuaia Iteraera ae e tabu.

Itaia 40:18

Antai ae e na kabootauaki ma te Atua? iai te b'ai ae ai arona?

Itaia 40:25

E titiraki te Atua ae tabu, “Antai ae e kabootaua ma Ngai? Bon iai ae e boraoi ma Ngai?”

Itaia 46:9

Bon ti Ngai te Atua! Bon akea riki atua i rarikiu; bon akea naba n ai arou. Kam na iangoi baika a tia n riki n ririki aika a b'aka nako.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 6:3

ngke a takaarua ni kaangai, “E tabu, e tabu, e tabu, te UEA ae Moan te M'aaka! E on aonnaba ni mimitongina.”

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 49:19

N na buakaningkami kaanga te raian man te buakonikai, ngkana e un nakon te tiibu n te tawaana are i mataniwiin te Ioretan. N te tai are a biri iai te nanai n tiibu, e na akea kanoan te aba. Antai ae N na rineia b'a e na buakaningkami? Boni Ngai! Bon akea ae e konaa ni kairoroai b'a N na buaka ke ni kakioai nako.

Nakoaia Ibonga 19:2

kaangai nako ia Iteraera:

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Ruka 12:5

Ma N na tuangngkami ae kam na makua: kam na maaka Teuare kona n tetewe nako Keenna, ngkana E a tia n kamaamate; eng, I tuangngkami b'a kam na makua.

Te Tua-Kaua 1:30

E na kaira te kawai te UEA ae Atuara, E na buaka i bukira, n aron are ti nooria ngke E karaoi b'aai ni kabane nakoia kaain Aikubita.

Te Tua-Kaua 3:24

Ara UEA, e tara n ae Ko a tib'a tabe ni kaota m'aakam ae korakora nako iu. Bon akea atuan karawa ke te aonnaba ae kona ni karaoi b'aai aika ab'ab'aki aika ko karaoi.

Te Tua-Kaua 33:26

Kaain Iteraera, bon akea te atua temanna ae ai aron Atuara; taian nang Ana kaanibuaka ngkana E m'ananga i aon taiani karawa ngkana E na kawariira ni buokiira.

Te Kaotioti 13:4

Ao a bane n taromauria te rakon i bukina ngke e anga te m'aaka n tautaeka nakon te man are tiritiri; ao a taromauria naba te man are tiritiri, ao a kaangai, “Ai antai ae ai aron te man ae tiritiri aei? Ao antai ae kona te buakanna?”

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 4:8

Ao baike a maiu ake aman, kaka oneai baiia ni kibakiba, ao a buta aon rab'ataia ni katobibiaki ma aani baiia ni maata; ao a aki toki n anene ni ngaina ao ni bong, ni kaangai: “E tabu, E tabu, E tabu te Uea ae te Atua ae Moan te M'aka, ae bon iai ngkoa, ao iai ngkai, ao iai n rimwi n aki toki.”

1.Tamuera 2:2

Bon akea riki te atua n ai arom. Ao mai rouna ti a kamaiuaki nakon aon te maunga.