Te Otinako 15:1 - Te B'aib'ara

¹ Ao a anenea te anene aei Moote ma Iteraera nakon te UEA: “N anene nakon te UEA i bukina ngke E a tia n reke i Rouna te tokanikai ae kakannato; E a tia n karenakoia taian aoti ma taan toka i aoia nako nanon taari.

Te Otinako 15:1 ပူးပေါင်းရင်းမြစ်များ

Neemia 9:11

Ko bwenaua taari are e nano ao a m'ananga am aomata i nanona i aon te tabo ae e m'au. Ma Ko kab'akaia aia kairiribai i nanona, ao a inako rikaaki n ai aron te atiibu ae e rawaawata.

Iobi 36:24

E neneboaki ni b'aai ni kabane ake E karaoi, ao ko riai naba n neboia.

Taian Areru 105:43

Ma ngaia are ngke E kairiia nako ana Aomata, Ao a anene n takaakaa ni kim'areirei.

Taian Areru 106:12

A kakoauai ana taeka; ao a anenea karaoiroana.

Taian Areru 107:15

A riai ni kamoamoa te UEA i bukin ana ataataiaomata, Ao i bukini baike a kamimii ake E karaoi i bukiia.

Taian Areru 107:8

A riai ni katituaraoa te UEA i bukin ana ataataiaomata, Ao i bukini baike a kamimii ake E a tia ni karaoi i bukiia.

Taian Areru 32:7

Boni nneu ni karabai Ngkoe; Ko na kamaiuai man te kaangaanga. I anene n takaruaea taekan am Kamaiu, I bukina b'a Ko kamanoai.

Taian Areru 76:6

Atuan Iakob'a, ngke Ko b'anaa n un ao a b'aka ni mate aoti ma ake a toka i aoia.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Te Otinako 14:26

Ao E taku te UEA nakoni Moote, “Arora baim i aon taari, ao ane e na manga oki taari ni b'aroia kaain Aikubita ma aia kaa ni buaka, ao taani kabuti kaa ni buaka.”

Te Otinako 14:27

Ma ngaia are, e arora baina Moote i aon taari, ao e a manga okira arona taari ngke e a ing mainiku, ao a kataia n rawei maiuia, ma E kab'ab'aia te UEA i taari.

Te Otinako 15:21

Ao e anene Nei Miriam nako ia: “Anene nakon te UEA b'a E a tia ni karekea te tokanikai ae mimitong; E a tia n tewenakoia taian aoti ma taan toka i aoia aoti i taari.”

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Taeka n Rabakau 29:6

A na manga bon raweiko am bure, ma akana a maiuakina te raoiroi a na anene mani bootaki ni kukurei.

Itaia 42:10

Tuanga te aonnaba ni kabane b'a e na anenea te anene ae e boou nakon te UEA! Tuangiia akana a ieie i marawa ao akana a maeka n taabo aika a raroa b'a a na ira te nebonebo.

Ieremia 51:21

ao ni kamaenako ia taan toka i aon taian aoti ao taiani kaanibuaka,

Otea 2:17

N na bon kariaia naba b'a ko na atong araia antiia beekan aikai aika ko araniia b'a “Tooka”.

Ab'akuka 3:18

Ma e ngae n anne ao I bon kukurei naba b'a E kakaawakinai te Atua.

Warekaia Iteraera 21:17

Bon anne naba te tabo are a anenea iai te kuna aei Iteraera: Ti na karaoa ara botaki ni kukurei! E a tia te m'anib'a aei n anganiira te ran.

I-Korote 2:15

ao i aon te kaibangaki anne, E a kainaomataki Kristo i Rouna mani m'aakaia uea ma ake a tauu aroia aomata; E karaoia b'a b'aai ni kamataku nakoia aomata ngke E kairiia n ana m'aati n tokanikai b'a taenikai.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!