Te Otinako 14:4 - Te B'aib'ara

⁴ N na karaoia b'a e na taningamatoa, ao e na manga kakioingkami, ao e na riki au tokanikai i aon te uea ma ana taanga ni buaka b'a karineau. Ane a na ataia iai kaain Aikubita b'a bon te UEA Ngai. Ao a karaoa are a tuangaki Iteraera.

Te Otinako 14:4 ပူးပေါင်းရင်းမြစ်များ

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Te Otinako 10:2

ao ko aonga naba ni konaa n tuangiia ami ataei ma tibumi arou ni kaburababaia kaain Aikubita ngke I karaoi taian kakai. Ane kam na bane n ataia b'a bon te UEA Ngai.”

Te Otinako 10:27

Ma te UEA, e karika B'arao b'a e na taningamatoa, ao e na bon aki kanakoia.

Te Otinako 12:28

Ao i mwiin arei, a nako ma ni karaoi b'aai ake E tuangiia te UEA n aron ana mwioko nakon Moote ma Aaron.

Te Otinako 14:23

Ao kaain Aikubita, a kakioia nako nanon taari ma aia aoti ni kabane, ma aia kaa ni buaka, ao taani kabuti kaa ni buaka.

Te Otinako 14:25

E kabae wiiran aia kanibuaka, n te aro are a baenikai. Ao a taku kaain Aikubita, “E a buaka te UEA i bukiia Iteraera ni kaitaraira. Ti a kawaekoaira n nako mai ikai!”

Te Otinako 14:3

Ane e na taku te uea b'a a m'aninga nako Iteraera n te aba arei, ao n tuukaki n te rereua.

Te Otinako 14:5

Ao ngke e a kaongoaki te uea b'a a tia ni birinako Iteraera, ao e a manga bita nanona ma ana aobitia, ao e taku, “Tera ngkai ae ti a tia ni karaoia? Ti a tia ngkai ni kabirinakoia Iteraera, ao ai akea ngkai ara toro!”

Te Otinako 14:8

Ao e tao rimwiia Iteraera ake a m'ananga nako ma te kakatonga te uea, i bukina ngke a boni kataningamatoaaki i roun te UEA ae te Atua.

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Te Otinako 7:17

“E nang karaoa te b'ai teuana te UEA ni kaotia b'a bon te UEA Ngaia. N na orea te Naire n te oko aei, ao e na onikaki te ran nakon te raraa.”

Te Otinako 7:3

Ma N na karaoa te uea b'a e na taningamatoa n te aro ae e na aki kan ongo. E na bon aki ongo naba ngkana I karaoi b'aai aika a kakamaaku nako ina ma ana botannaomata.

Te Otinako 7:5

A na ataia kaain Aikubita b'a te UEA Ngai ngkana e riki aei.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Etekiera 20:9

Ma I taraa n ae I a tia ni kewe i bukina ngke I a tia n berita i mataia ni kabane b'a N na kairiia ni kaotinakoia mai Aikubita.

Etekiera 28:22

ao tuangiia kaaina ni kaangai: Bon ami kairiribai Ngai ae te UEA ae te Atua! A na neboai aomata ngkana I katuaaingkami, ao a na nooria b'a I bon tabu.

Etekiera 32:15

E na riki Aikubita b'a te aba ae akea kain aona ae akea manenana, ao bon akea te b'ai teuana ae e maiu ae e na konaa ni manga maiu ikekei. Ao ane ko na ataia ma am aomata b'a bon te UEA Ngai.

Etekiera 38:16

Ko na buakana Au aomata kaanga nangin te buaka ae rabuna aon te aba. N na kariaia b'a ko na taua abau are Iteraera, b'a a aonga botannaomata nako n te aonnaba n ataia b'a bon te UEA Ngai ae I tabu.

Etekiera 38:23

N na karaoi baikai ni kaotia nakon te aonnaba b'a bon te UEA Ngai ae I tabu.

Etekiera 39:13

A na bane aomata ni buobuoki n tauniia maate, ao a na karineaki i bukin te baei n te bong are e na nooraki iai raneanean mimitongiu.

Nakoaia Ibonga 10:3

Ao e taku Moote nakon Aaron, “Aio te b'ai are e nanonna te UEA ngke E kaangai, “A na bane ni karinea tabuu akana a m'akuri i Rou; N na kaota mimitongiu nako ia au aomata; ma e aki kakarongoa Aaron.

I-Rom 11:8

n ai aron are koreaki ni kaangai: “E kananobabaia te Atua n te aro are mataia aki noraba, ao taningaia a teimatoa ni bono.”

I-Rom 9:17

B'a E kaangai te Atua nakoni B'arao n te B'aib'ara, “I karikiko n uea i bukin aei: b'a N na kaota m'akau i roum, ao b'a e aonga n ataaki arau i aonnaba ni bane.”

I-Rom 9:18

Ma ngaia ae E nanoangaea ae E kan nanoangaia te Atua, ao E kamatoatoa nanon ane E kani kamatoatoa.

Iotua 11:20

Bon te UEA ae kataningabonoia ma ni kakorakorai nanoia ni kan buakaniia Iteraera b'a aonga n tiringaki n akea te nanoanga ma ni kamaunaaki i rouia aomatan Iteraera n ai aron ana taeka te UEA nakon Moote.

Tani Motiki-taeka 4:7

E na kam'anea Titera te UEA b'a e aonga n otinako ni buaka n te Karaanga are Kition. E na kaira ana taanga ni buaka are Iabin Titera n aron are kakaraoia, ao a na uoti aia kaanibuaka, ma E a tia te UEA ni berita b'a E na buokiia ni kataenikaiia.