Te Otinako 14:31 - Te B'aib'ara

³¹ Ao ngke a noora te m'aaka ae korakora Iteraera are E a tia te UEA ni kataenikaiia iai kaain Aikubita, ao a maaka te UEA, ao a onimakina te UEA, ao a kakoaua ana toro are Moote.

Te Otinako 14:31 ပူးပေါင်းရင်းမြစ်များ

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

Neemia 9:9

Ngke a mena ngkoa ara bakatibu i Aikubita, ao Ko noora rawawataia; Ao ngke a nakon Taari are Uraura, Ko ongo tangiia i bukin buokaia.

Taian Areru 119:120

I ruru b'a I makuko: I maaku n am Moti.

Te Otinako 19:9

Ao E taku te UEA nakoni Moote, “N na kawariko n te nang ae matenten, b'a a aonga n ongo b'anaau aomata ngkana I taetae ma ngkoe, ao a na kakoauako man te tai aei, ao n taai nako.” Ao Moote e tuanga te UEA aia kaeka aomata,

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Ruka 8:13

Ao ake i aon te ririb'a bon te koraki ake a ongo te taeka ao a kaaki i nanoia ma te kim'areirei; ti te bo te koraki aei ma koraa ake akea wakaaia: a onimaki i nanon te tai ae aki maan, ma ngke a kaririaki ao a b'aka.

Ioane 11:45

Ma ngaia are, ngke a noori baike. E karaoi Iesu I-Iutaia aika bati, ake a roko ni kawara Nei Maria, ao a onimakinna.

Ioane 2:11

Aei te moa ni m'akuri ae kamimii are E karaoia Iesu i Kana i Kariraia; E kaota iai arona b'a E mimitong, ao a onimakinna ana reirei.

M'akuri 8:13

Ao Timon e kakoauaa naba Biribo; ao ngke e a tia ni b'abetitoaki, ao e a titiku naba i rarikini Biribo, ao boni moan te mimi ngaia ngke e noori kanikina ma m'akuri ni kamimii ake a karaoaki.

Ebera 3:5

E kakaonimaki Moote n ana m'akuri i bukiia ana aomata te Atua ngkai te toro ngaia, ao n arona aei e a kaoti iai baika a na atongaki rimwi iroun te Atua.

Iotua 24:7

ao a tang nako iu ao I kab'aroa taari i aoia ana taanga ni buaka Aikubita ao a bane ni b'ab'a ni mate. Ao kam bane n noori baike I karaoi nakoia taanga ni buaka mai Aikubita. Kam maeka n te rereua n te tai ae e maan,

Iotua 4:14

A karika Iotua b'a te aomata ae karineaki i bukin b'aai ake E karaoi te UEA n te bong arei. A karinea Iotua aomatan Iteraera ni kabane bongin maiuna, n ai aron karinean naba Moote ngkoa i rouia.

Iotua 4:24

E na ataaki m'aakan te UEA ni baikai i rouia kaain aonnaba, ao kam na neboa te UEA ae Atuami n aki toki.”

1.Tamuera 12:16

Kam na ti tei ikai ao matakuakina te UEA b'a E na kaota korakoran m'aakana.

1.Tamuera 12:18

Ao e tataro Tamuera, ao ni bon te bong naba arei, E a kanakoa te karau ma te baa te UEA. Ao a bane ni maaka te UEA ma Tamuera aomata.