Te Otinako 14:27 - Te B'aib'ara

²⁷ Ma ngaia are, e arora baina Moote i aon taari, ao e a manga okira arona taari ngke e a ing mainiku, ao a kataia n rawei maiuia, ma E kab'ab'aia te UEA i taari.

Te Otinako 14:27 ပူးပေါင်းရင်းမြစ်များ

Neemia 9:11

Ko bwenaua taari are e nano ao a m'ananga am aomata i nanona i aon te tabo ae e m'au. Ma Ko kab'akaia aia kairiribai i nanona, ao a inako rikaaki n ai aron te atiibu ae e rawaawata.

Taian Areru 106:11

A b'ab'a aiaia i taari, akea nikiraia n tiku.

Taian Areru 136:15

Ao E kab'ab'aa uean Aikubita ma ana taanga ni buaka; akea tokin ana Tangira.

Taian Areru 78:53

E kairiia raoi, ao a aki maaku; Ma a b'ab'a aia kairiribai i taari.

Itaia 10:26

N na kataereia kaain Aturia n taiani kainikataere, n aron are I a tia ni karaoia nakoia kaain Miria i rarikin te b'a are Orebi. Ao N na kaota nakoia te m'aaka naba are I kamanenaa ngkoa ni karaoa iai te kawai i nuukan taarin Aikubita.

Te Tua-Kaua 11:4

Ao ngke a kakioingkami kaain Aikubita n aia kaanibuaka, ao kam noora te UEA ngke E kab'ab'aia n Taari are Uraura, ao a bon teimatoa naba ni maraki ni konaakiia arei.

Ebera 11:29

I bukin aia onimaki Iteraera, ao a ri nukan Tari are Uraura n ai aron ae kanga a nakonako i aon te tano ae m'au; ao ngke a kataia I-Aikubita ni karaoa naba aei, ao a iekaki n te ran ao a mate.

Iotua 24:7

ao a tang nako iu ao I kab'aroa taari i aoia ana taanga ni buaka Aikubita ao a bane ni b'ab'a ni mate. Ao kam bane n noori baike I karaoi nakoia taanga ni buaka mai Aikubita. Kam maeka n te rereua n te tai ae e maan,

Iotua 4:18

Ao ngke a bane n aerake raoi ibonga man te karaanga, ao e a manga tao te karaanga n arona are mai m'aaina.