Te Otinako 14:22 - Te B'aib'ara

²² ao a nakonako Iteraera i nanon taari i aon te tano ae m'au, ao taari, a tei kaanga taian o n itera ake uoua.

Te Otinako 14:22 ပူးပေါင်းရင်းမြစ်များ

2.Uea 2:14

E orea te ran n te kunnikai arei, ao e mataku ao e taku, Tera ngkana E karaoi kakai te UEA n aron are E karaoia ngkoa nakon Eria? Ao ni bon te tai are e karaoa aei iai Eritai, ao e a uki naba te kawai ae e m'au i nanon te ran, ao e a m'ananga i nanona.

2.Uea 2:8

Ao ngke a uaia n roko ikekei ngaia ake uoman, ao e buuta kunnikaina Eria, ao e niiroaia ni waerake ao e orea iai te ran. Ao n te tai naba arei, ao e uki te kawai i nanon te karaanga, ao a kaai ni m'ananga ngaiia ake uoman i aon te tano ae m'au.

Neemia 9:11

Ko bwenaua taari are e nano ao a m'ananga am aomata i nanona i aon te tabo ae e m'au. Ma Ko kab'akaia aia kairiribai i nanona, ao a inako rikaaki n ai aron te atiibu ae e rawaawata.

Taian Areru 106:9

E taetae nakon Tari are Uraura, ao e a ora naba; Ao E kairiia ana aomata ri nanon Tari i aon te tabo ae m'au.

Taian Areru 136:13

E bwenaua ranin Taari are Uraura; b'a akea tokin ana tangira.

Taian Areru 136:14

E kairiia ana Aomata rinukana; b'a akea tokin ana Tangira.

Taian Areru 66:6

E kaoraa taari mani karikia b'a te aba ae m'auteretere; A nakonako ri nanon te karaanga ara bakatibu; Ti kukurei i rouna ngkekei i bukin ana m'akuri aika e a tia ni karaoi.

Taian Areru 74:15

Ko kaawa nako ranin taiani karaanga ma koburakenran; Ko kakeai ranin karaanga aika ab'ab'aki.

Taian Areru 78:13

E bwenaua taari, ao E kairiia ri nanona; E katei ranin taari n ai aron te o.

Te Otinako 14:29

Ao Iteraera, a bon karauia n nakonako i taari i aon te tano ae m'au, ma taari aika a tei kaanga taian o n itera ake uoua.

Te Otinako 15:19

A nakonako Iteraera i nanon taari i aon te tano ae m'au. Ma ngke a nako nanon taari aia kaa ni buaka kaain Aikubita, ma aia aoti ma taani kabutii; ao E a manga kaoka taari te UEA, ao E rabuniia.

Te Otinako 15:8

Ko uka aon taari, ao e a ikoikorake n rietaata te ran; e a teirake kaanga te o; ao e a tabe ni matoa kabin taari are te kabanea n nano.

Itaia 11:15

E na kam'autereterea m'aangan Taari are Uraura te UEA are i rarikin Aikubita, ao e na kanakoa te ang ae e kabuebue b'a e na bwenaua te Karaanga are Iuberetiti nakon itiua m'aangana aika a konaa n nakonako i nuukana aomata.

Itaia 11:16

Ao e na karekea te kawai ae e tamaroa mai Aturia i bukiia ana aomata ake nikira ni maiu, n aron te kawai naba ae e tamaroa ngkoa i bukiia aia bakatibu ngke a kiitana Aikubita.

Itaia 43:16

Boni Ngai are I katabwena te kawai i nanon te marawa ae korakora.

Itaia 51:10

Bon tiaki ngkoe ngkoa are ko kaoraa taari are e nano ao ko karaoa te kawai i bukiia am Aomata are a na toua ma ni kaawakinaki raoi iai i nanona ni karokoia n iterana are teuana?

Itaia 63:12

E M'aati m'aakan te UEA i rarikin Moote. E na neboaki te UEA n aki toki i bukin bwenauaakin taari.

Itaia 63:13

E kairiia ana Aomata i aon taari kaanga taian aoti aika a biri i nanon te ang n aki tokitoki waeia.

Tekaria 2:5

E a tia ni berita te UEA i bon i rouna b'a E na riki b'a te oo te ai ni kaawakina Ierutarem, ao e na riki b'a te mimitong ae e raneanea i nuukan te kaawa.”

Warekaia Iteraera 33:8

A manga kitana Bi Airota ri nanon Taari are Mate, ao i mwiina, a m'ananga i nanon tenibong nakon Rereuan Etam, ao a katei auti n rianna i Maara.

1.I-Korinto 10:1

I tangiringkami, taari, b'a kam na aki m'aninga b'a a bane ara bakatibu ni mena i aan te nang, ao a bane n ri nukan taari;

Ebera 11:29

I bukin aia onimaki Iteraera, ao a ri nukan Tari are Uraura n ai aron ae kanga a nakonako i aon te tano ae m'au; ao ngke a kataia I-Aikubita ni karaoa naba aei, ao a iekaki n te ran ao a mate.

Iotua 3:16

ao e a rina naba n toki raangan te ran, ao a ikoikotaki n te iterana ni karokoa te kaawa are Atam are i rarikin Taretan. Ao e a bon toki raangan te karaanga rikaaki ni karokoa taari are mate, ao a kona aomata n roko i Ieriko.

Iotua 3:17

A nakonako aomata i nanon te Ioretan i aon te tano ae m'au. Ao a tei ibonga ma Ana Ati ni Berita te UEA i nukan te Ioretan i aon te tano ae m'au naba, ni kababaneia raoi aomata ni karokoia ni iteran te karaanga are teuana.

Iotua 4:22

Kam na tuangiia rongorongoia Iteraera ngke a ri aon te tano ae m'au i nanon te Ioretan.

1.Tamuera 25:16

A kakaawakiniira n te bong ma te ngaina n taai nako are ti tabe iai tararuaia ara nanai ni man.