Te Otinako 14:14 - Te B'aib'ara

¹⁴ E na buaka te UEA ae Atuami i bukimi, ao bon akea te b'ai teuana ae kam na tangiria ni karaoia.”

Te Otinako 14:14 ပူးပေါင်းရင်းမြစ်များ

2.Rongorongo 20:15

Ao e taku Iaatiera: Teuae ko karineaki, ao kaain Iuta ma Ierutarem ni kabane, e taku te UEA b'a kam na aki riai ni maaku, ke ni b'arannano n te taanga ni buaka ane e korakora anne. E na buaka te UEA man ami itera!

2.Rongorongo 20:17

Kam na aki buaka. Kam na ti tei ni nnemi ma ni mataku ngkana E kamaiungkami te UEA mairouia ami kairiribai. Kam na aki maaku. Kam na ti karaoa ae kam tuangaki. Ao ngkana kam m'aati n ingabong, ao e na raoni ngkami te UEA ikekei.

2.Rongorongo 20:29

Ngke a ongo botannaomata ake tabeua rongorongon te UEA ngke E a tia ni kaaitaraia aia kairiribai kaain Iuta, ao a rangi ni maaku

Neemia 4:14

Ao i mwiina, I tarai b'aai ni kabane ao I tuangiia taani kairiiri, mataniwi, ao aomata ni kabaneia ni kaangai, “Kam na aki maakuia ami kairiribai! E korakora te UEA ao e aki konaa ni maaku. Ma ngaia ae, kam na iangoia ao buaka i bukiia ami koraki ao ami ataei, buumi ao mwengami!”

Neemia 4:20

Ngkana kam ongo tangin te bu, ao kawaekoaingkami ni bootaki i rarikiu. E na buokiira te Atua n te buaka.”

Neemia 9:11

Ko bwenaua taari are e nano ao a m'ananga am aomata i nanona i aon te tabo ae e m'au. Ma Ko kab'akaia aia kairiribai i nanona, ao a inako rikaaki n ai aron te atiibu ae e rawaawata.

Taian Areru 35:1

Te UEA, Ko na un ma aiau n un, ao ekianako nako akana eekainako!

Taian Areru 50:3

E nangi roko Atuara, ao E na aki kainab'aabu; E ri moana te ai ae ura m'aaka, Ao E otab'aniniaki rarikina n te ang ae matoatoa karena.

Taian Areru 83:1

Te Atua, Ko na tai kainab'aabu, ao Ko aoriko n akea te b'ai ae Ko karaoia!

Te Otinako 14:15

Ao E taku te UEA ae te Atua nakoni Moote, “E aera ngkai kam tangira buokami? Tuangiia aomata b'a a na waaki rake.

Te Otinako 14:25

E kabae wiiran aia kanibuaka, n te aro are a baenikai. Ao a taku kaain Aikubita, “E a buaka te UEA i bukiia Iteraera ni kaitaraira. Ti a kawaekoaira n nako mai ikai!”

Te Otinako 15:3

Bon te tia buaka te UEA, ao bon te UEA arana.

Itaia 30:15

E a tia n tuangiira ni kabane te UEA ae E tabu ae Atuaia Iteraera ni kaangai, “N na kaawakiningkami ngkana kam oki Nakoiu ma ni karau nanomi. N na manga kakorakoraingkami ngkana kam nanoraoi n onimakinai.” Ma i mwiina kam a manga bonotaninga

B'aeb'aeti 3:26

Ma ngaia are, e raoiroi iroura b'a ti na tataninga kamaiuara iroun te UEA ma te nano ae rau.

Te Tua-Kaua 1:30

E na kaira te kawai te UEA ae Atuara, E na buaka i bukira, n aron are ti nooria ngke E karaoi b'aai ni kabane nakoia kaain Aikubita.

Te Tua-Kaua 20:4

E na buaka te UEA ae Atuami i rarikimi, ao E na buokingkami ni katokanikaingkami n te buaka.

Iotua 10:10

E kabuai aia iango taian Amoraite te UEA, ao a roko aia taanga ni buaka Iteraera n tiringiia man te angaatai ke te angamaing. Ao a kakioia nako aia taanga ni buaka taian Amoraite nakon te kawai are i Beta-oron man tiringiia ni karokoa a roko ni kaawa ake i Ateka, ao Maketa.

Iotua 10:14

E tuai man ririki aei ma ngkoa ae E na ongotaeka te UEA i roun te aomata, ao e tuai naba man riki man te tai arei ni karokoa te bong aei. B'a E tei te UEA i bukiia ana aomata.

Iotua 10:42

E buakan ma n taui kaawa aikai Iotua ni m'anangana ae ti teuana, kioina ngke E raonna te UEA ae Atuaia Iteraera ni buaka i bukiia.

Iotua 23:10

E kona temanna mai i buakomi ni kataenikaia tengaa te aomata, kioina ngke E berita te Atua b'a E na buaka i bukimi.

Iotua 23:3

Kam a tia n noori b'aai ni kabane aika E karaoi te UEA nakoia botannaomata aika kam rin i buakoia. E a tia ni buaka te UEA ae Atuami i bukimi.

Tani Motiki-taeka 5:20

A buakana Titera taian itoi ni kawaia are i karawa,

1.Tamuera 4:7

ao a ruru ni maaku n te aro kaanga a mate ao a taku, E a roko te atua n aia kaemb'a. Ti a bon reke n te kangaanga ngkai. E bon tuai man reke te aro aei nako ira mai m'aaina.