Te Otinako 14:12 - Te B'aib'ara

¹² Ti bon aki tuangko ngkoa i m'aain nakora b'a ae na bon riki te aro aei? Ti bon tuangko b'a ko na boni katikuira n arora b'a ti bon aoriira n riki b'a aia toro kaain Aikubita. E raoiroi riki te toronaki irouia kaain Aikubita nakon te mate ikai i nanon te rereua.”

Te Otinako 14:12 ပူးပေါင်းရင်းမြစ်များ

Taian Areru 106:7

A tia ara bakatibu n aki atai nanon am M'akuri ake a kamimii i Aikubita. A aki uring m'aitin am Atataiaomata; ao a rawa nakon Teuare M'aaka i Tari are Uraura.

Te Otinako 13:17

Ao n tokina ngke e a tia te uea ni kariaia nakoia aomata, E aki kairiia te UEA ri nanon abaia kaain Biritia, e ngae ngke e rangi ni kaan te kawai iai. E a tia n taetae te Atua ni kaangai, “Ane a na manga iangoa okiran Aikubita ngkana a buakanaki.”

Te Otinako 3:9

A tia ni buubuti Au buobuoki Au aomata, ao I a tia n noora te m'akuri ni iowawa mairouia kaain Aikubita nako ia.

Te Otinako 5:21

Ao a taku mm'aane akekei, “E a tia ngkai te UEA n iangoia b'a E na katuaaingkami ni kauoman ngkai kam a tia ni kauna te uea nako ira. Ao ngkai e nang tiringiira.”

Te Otinako 6:9

Ao ngke e tuangiia Iteraera taekan te baei i bukiia, ao a rangi ni b'ara nanoia iai ao a rawa ni kakoaua.

Otea 4:17

Ngkami aika Iteraera kam a katamaroaaki n taian bouananti. Katikuia n aroia aomata akanne!

Iona 4:3

Ma ngaia are, te UEA, kariaia b'a N na mate, e raoiroi riki mateu nakon maiu.”

Iona 4:8

I mwiin otin taai ao te Atua E kanakoa te ang mainiku ae e kabuebue, ao e rootaki Iona ao e kuri n tong ni kabuebuen taai ngke e b'akaria. Ma ngaia are, e bon bubuti bon i bukina b'a e na mate, ao e kaangai, “E raoiroi riki mateu nakon maiu.”

Mareko 1:24

“Tera am b'ai i roura, Iesu, ae te I-Natareta? Ko nako mai b'a Ko na uruira? I kinako b'a Teuare Moan te Raoiroi Ngkoe, are mairoun te Atua.”

Mareko 5:7

ao e takarua n te b'ana ae korakora, ni kangai, “Iesu ae Natin te Atua are Moan te Rietaata! Tera am b'ai i rou? I bubutiko n aran te Atua b'a Ko na aki kamarakai!”