Te Otinako 13:3 - Te B'aib'ara

³ Ao E taku Moote nakoia aomata, “Kam na ururinga te bong aei, te bong are kam kiitana iai Aikubita, are te tabo are kam toronaki iai. Bon aio te bong are E kaotinakoingkami iai te UEA ni m'aakana. Bon akea te kariki ae karikaki ae na kanaki.

Te Otinako 13:3 ပူးပေါင်းရင်းမြစ်များ

Karikani B'aai 15:16

A na reke aua te roro i m'aain okiia ami kariki, b'a N na bon aki kanakoia kaain Amora ni karokoa te tai are a rangi ni buakaka aia m'akuri iai, ao a bon riai ni katuaeaki.”

1.Uea 8:42

b'a ane a na ongo aram ma m'aakan baim aomata, ao ane a na tataro nakon am Tembora.

1.Rongorongo 16:12

Uring ana kakai ao ana kamimii ao ana babaaire aika a nako raoi.

Neemia 1:10

Ara UEA, I tataro i bukiia am toro, koraki ake Ko a tia ni kamaiuia ni korakoram ao m'aakam ae e korakora.

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Taian Areru 105:5

Kam na uring ana m'akuri ake a kamimii ake E karaoi, Ana kakai ma ana moti ake a tia,

Taian Areru 114:1

E kaotinakoia ana aomata te Atua mai Aikubita, te aba ae a iruwa n ana taetae,

Taian Areru 136:11

E kairiia te botannaomata ae Iteraera ni kaotinakoia mai Aikubita; b'a akea tokin ana tangira.

Taian Areru 136:12

E kairiia ni kaotinakoia ni m'akana ae korakora; b'a akea tokin ana tangira.

Taian Areru 89:14

Ko katea ueam i aon te eti ma te motikitaeka ae e raoiroi; E ri moam te tangira ma te kakaonimaki b'a kanga taan ua-rongorongo i bukim.

Te Otinako 12:15

E taku te UEA, “Kam na aki kana te kariki ae karikaki i nanon itiua te bong—Kam na tii kana are aki karikaki. Ao n te moani bong kam na kanakoi taian iti man ami auti nako, b'a ngkana iai ane e kana te kariki ae karikaki i nanon boong akana itibong akanne, ao e na aki atongaki b'a au aomata.

Te Otinako 12:17

Kam na kaawakina te toa aei i bukina b'a aio te bong are I kaotinakoi ngkami iai mai Aikubita. Kam na riai ni kaakaraoa ami bootaki ni boong ni kabane aika na roko i aon te bong aei b'a te toa.

Te Otinako 12:19

Akea te iti ae kariaiakaki i nanon taiani mwenga, e aoria ngkana bon te Iteraera ke tiaki. Ngkana kam reke ni kana te b'ai ae e karaoaki man te iti, ko na aki manga atongaki b'a te Iteraera ngkoe.

Te Otinako 12:2

“E na riki te nam'akaina aei b'a ami moan nam'akaina i Buku n te ririki.

Te Otinako 12:41

N tokin te ririki ae abubua tenibwi, a bane n nako iai barongan nako ana aomata te UEA ni kiitana Aikubita.

Te Otinako 12:42

Bon te tairiki te tai are e tarataraia iai ana aomata te UEA ngke kaotinakoia mai Aikubita, ao e katabuaki te tairiki naba anne b'a Ana b'ai te UEA n taai nako, b'a te tairiki are a na taratara iai Iteraera ni kabaneia.

Te Otinako 12:8

E na riai n umunaki te iriko ni man, ao e na kanaki ikekei n tannaaki ma aroka aika mao ao kariki aika aki renganaki ma te iti.

Te Otinako 13:14

Ngkana a titirakiningkami natimi mm'aane n taai aika a na roko b'a tera te botaki aei, ao kam na kaangai, ‘E kamaiura te UEA ni m'aakana ae korakora, ni kaotinakoira mai Aikubita are te tabo are ti toronaki iai ngkoa.

Te Otinako 13:9

E na riki te botaki aei b'a te b'ai ni kauring, kaanga te kanikina ae kabaeaki i aoni baimi, ke i aon toan ram'ami, e na bon kauring ngkami b'a kam na teimatoa n taetaekinna ma ni kamateb'aia ana tua te UEA, i bukina b'a E kaotinakoi ngkami te UEA mai Aikubita ni m'aakana ae korakora.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 20:8

“Kam na kawakina te Taabati ma n tabuia.

Te Otinako 23:15

Kam na karaoa te Toa are te Kariki are Aki Karikaki ngkana kam kana te kariki are e aki karikaki, n aron are I a tia ni mwiokoingkami iai. Kam na karaoa aei n taina raoi n te nam'akaina are Abibi,

Te Otinako 3:20

Ma ngaia are, N na kamanenaa m'aakau ni karaoi taian kamimii n aroia nako ma n oroia kaain Aikubita ni kab'akaia. Ao ane e na kanakoi ngkami iai te uea.

Te Otinako 34:18

Kam na aki m'am'aninga ni karaoa te Toa are te Kariki are Aki Karikaki n te nam'akaina are Abibi.

Te Otinako 6:1

Ao E taku te UEA ae te Atua nakon Moote: Ko na noora te b'ai ae N na karaoia nakon te uea n te tai ae aki maan. E na kanakoia Au aomata i bukin korakoran m'aakau, ao e na manga bon kakioia nako mai abana.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Te Otinako 7:4

Ao i mwiina, N na karokoa te kabanea ni katuaaeaki i aon Aikubita, ao ane e na kanakoia utuun Iteraera ma aia baronga nako.

Ieremia 34:13

Bon Atuaia Iteraera Ngai: I karaoa ngkoa te boraraoi ma ami bakatibu ngke I kaotinako ia mai Aikubita, ike a tia n tautoronaki iai.

Taniera 9:15

Te Atua ae te UEA, ko kaota m'aakam ngke Ko kaotinakoira mai Aikubita, ao e bon teimatoa n uringaki m'aakam. Ti a tia ni bure; ti a tia ni karaoa te kaairua.

Mataio 10:12

Ao ngkana kam rin n te auti teuana, ao kam na kamauriia kaaina.

Ruka 22:19

Ao E anaa te berena, ao ngke E tia n tataro ni katituaraoi, ao E urua ao E anganiia ana reirei, ao E kangai, “Rab'atau aei ae I anga i bukimi, Karaoa aei b'a kanuringau!”

1.I-Korinto 11:24

ao ngke E a tia n tataro ni katituaraoi, ao E urua, ao E kangai, “Rab'atau aei i bukimi. Kam na karaoa aei b'a kanuringau.”

1.I-Korinto 5:8

Ma ngaia ae ti na botaki ni kukurei n te Toa are te Riao, ma ti na aki kabongana te kariki are iai te iiti nikawai iai, are te bure ma te buakaka; ma ti na kabongana te kariki are akea te iti iai, are karikin te itiaki ma te koaua.

I-Ebeto 1:19

ao tera aroni m'aakana ae raka korakorana, nako ira ngaira aika ti onimaki. Te m'aaka aei bon ti te bo ma korakorani m'aakana,

Te Tua-Kaua 13:11

Ao ngkana a ongo anne Iteraera ni kabane, ao ane a na maaku, ao akea riki ae e na manga karaoa te m'akuri ae buakaka aei.

Te Tua-Kaua 13:5

i bukina b'a E kamaiungkami ngkoa man te toronaki i Aikubita. Ngkana e tuangngkami te burabeti b'a kam na aki ongotaeka nakon te UEA ae Atuami ma ni katokaa taromauriana, ao kam na ataia b'a e buakaka te burabeti anne, ao e na riai n tiringaki.

Te Tua-Kaua 13:6

Ane na manga kaangai temanna nakoimi, Ti nang taromauriia anti riki tabeman. E aoria naba ngkana raoraomi, ke tarimi, ke m'anemi, ke natimi te m'aane, ke natimi te aine, ke buumi ae kam rangi n tangiria, ma kam na bon aki ongo naba i rouna. Bon akea temanna te aomata ae kam na ongo i rouna ae taekin baikai. Ma kam na karebanaa te aomata anne ni ua matena n taian atiibu. Boni ngkami moa aika kam na moan kareia, ao i mwiina, a na kabanea te m'akuri aomata te korakina. Kam na bon aki kaota te nanokawaki. Bon akea te b'ai ae a tia ni karaoia nakoimi ke nakoia ami bakatibu antiia botannaomata tabeua. A na kataia ni katokaa taromaurian te UEA are kamaiungkami man te toronaki i Aikubita aomata akana a tuangkami b'a kam na taromauriia anti riki tabeman. Ma ngaia are, kam na tiringiia aomata akana a tuangngkami b'a kam na taromauriia anti riki tabeman.

Te Tua-Kaua 15:15

I mwiokoingkami b'a kam na ongotaeka iroun te UEA b'a kauringakimi b'a bon tooro ngkoa ngkami i Aikubita i m'aain kainaomataakimi i rouna.

Te Tua-Kaua 16:1

Kaain Iteraera, kam na riai kauringa te Riao n te nam'akaina are Abibi, i bukina b'a E kamaiungkami te UEA ae Atuami mai Aikubita n ririki aika nako n te tairiki teuana n te nam'akaina anne.

Te Tua-Kaua 16:12

Uringnga b'a boni buure ngkoa ngkami i Aikubita, ma ngaia are, kam riai n ongotaeka nakon tuua aikai.

Te Tua-Kaua 16:3

Kam na kang taian iriko ni kabane akana taiani karea i bukin te Riao n te tairiki naba anne. Ma kam na aki kamanena te kariki ae karikaki n tain te am'arake n te Riao. Kam na kamanena te aekaki ni kariki are mmani are kam kanna naba ngke tooro ngkoa ngkami aika kam karawawataaki i Aikubita, ao ngke kam nang kiitana Aikubita n te tai ae waekoa. E na riki te kariki ae mmani aei b'a kauringakimi n taai nako te bong are kam kiitana iai Aikubita. Kam na aki karaoa te kariki ae itinaki i nanon itiua te bong, i nanon bongin te Toa are te Riao, Kam na aki karaoa te kariki ae itinaki. E nanonaki raoi iai b'a a na bon akea te iti i aon Iteraera ni kabutaa.

Te Tua-Kaua 24:18

Bon tooro ngkoa ngkami ngke kam mena i Aikubita ni karokoa E kamaiungkami te UEA ae Atuami. Ao bon aei bukina ngkai I anganingkami iai tuua aikai.

Te Tua-Kaua 24:22

Kam maeka ngkoa ni kainano n ai aroia tooro i Aikubita ni karokoa E kamaiungkami te UEA ae Atuami, ao bon anne bukina ngkai I anganingkami tuua.

Te Tua-Kaua 26:8

Ao Ko a kakamaakuia kaain Aikubita n am kakai ae korakora ao Ko kamaiura mai Aikubita.

Te Tua-Kaua 5:15

E na kauringngkami te bong ni motirawa aei arou ngke I kanakoa baiu ae m'aaka ni kamaiungkami man te toronaki i Aikubita.

Te Tua-Kaua 5:6

Bon te UEA Ngai ae Atuami, are E kaotinakoingkami mai Aikubita are kam toronaki iai ngkoa.

Te Tua-Kaua 6:12

ao kam na aki m'aninga ae bon te UEA ae kainaomataingkami man te toronaki i Aikubita.

Te Tua-Kaua 6:21

Ao kam na kaekaia ni kaangai. Bon tooro ngkoa ngaira iroun uean Aikubita, ma E kamanena m'aakana ae korakorana te UEA ni kainaomataira.

Te Tua-Kaua 7:8

ma E a tia n rineingkami i bukina b'a E tangiringkami, ao i bukina naba b'a E a tia ni berita nakoia ami bakatibu. Ao i mwiina, E a manga kamaiungkami ni baina ae korakora mai Aikubita, are a karaoingkami b'a aia toro.

Te Tua-Kaua 8:14

Ma ngkana a riki baikai, ao kam na aki kainikatonga. Kam na aki m'aninga ae bon tooro ngkoa ngkami i Aikubita, ao bon te UEA ae kainaomataingkami.

Te Tua-Kaua 9:12

ao E taku: Moote, ko na kawaekoako n ruo man te maunga nakoia aomata ake ko kaotinakoia mai Aikubita. A tia n aki ongotaeka nako Iu, b'a a karaoa te bure ae moan te buakaka are karaoan te bouananti.

Iotua 24:17

E kaotinakoia tamara ao E kainaomataira naba man te tautoronaki i Aikubita, ao ti bon noori kakai ake E karaoi. Ao E kaawakiniira naba mai rouia botannaomata ake ti rirarikiia i nanon ara tai ni m'am'ananga n te tai teuana ma teuana.

Tani Motiki-taeka 6:8

Ao E kanakoa te burabeti nakoia ma te rongorongo aikai: Bon te UEA Ngai ae Atuaia Iteraera, ma ngaia are, kam na ongora nakon te b'ai ae N na taekinna. Bon taian toro ngkoa ngkami i Aikubita, ao I kainaomataingkami ni kaotinakoingkami mai Aikubita nakon te aba aei. Ao ngke a manga karawawataingkami kaain botannaomata ake ikai, ao I kamaiungkami ni katokanikaingkami i aoia ma n taua abaia.