Te Otinako 13:22 - Te B'aib'ara

²² E memena te boua te nang i moaia aomata n taai nako i nanon te ngaina, ao te boua te ai n te bong.

Te Otinako 13:22 ပူးပေါင်းရင်းမြစ်များ

Neemia 9:12

Ko kairiia am aomata ni katoa bong n te nang ae e matenten, ao n te tairiki ko kaotaa kawaia n te ai ae e uram'aaka.

Neemia 9:19

I bukin am nanoanga ae moan te korakora ao ko aki roko n te kiitaniia i nanon te rereua. Ko aki toki ni kaiririia n te nang n te ngaina ao n te ai n te tairiki.

Te Otinako 14:1

Ao E taku te UEA ae te Atua nakoni Moote:

Te Otinako 14:19

Ao E a manga nako aneran te UEA are memena i moaia tautian Iteraera nako ni mena mai buki. Ao e m'aing nako naba te boua te nang ni karokoa

Te Otinako 40:38

I nanon aia tai ni m'am'ananga, ao a nonora te nang are E memena iai te UEA i buakoia i aon te Um'antabunrianna n te ngaina, ao te boua te ai n te tairiki.

Itaia 4:5

E na rabuna te kaawa ae e buubura ni kabane te UEA ma ana tabo ni kabowi n te nang ae e matenten ni katoa bong ao te ai ae e ura ni katoa tairiki. Ao mimitongin te Atua e na riki b'a kaanga te autinrianna ae e korakora ae e rabuni b'aai ni kabane.

Warekaia Iteraera 9:15

Ao ngke e a tib'a tei te Um'antabunrianna, ao e a kaoti naba te nang ae matenten n rabuna aon te Um'antabunrianna.

Te Kaotioti 10:1

Ao I nora te anera temanna ae korakora b'a e ruo mai karawa. E kunnikaiaki n te nang, ao Nei Wirara i aon atuna; ao ubuna ai aron taai, ao rangana ai aron tein taraan te ai ae tei b'a kanga te boua.