Te Otinako 13:2 - Te B'aib'ara

² “Ko na katabuia karimoa ni kabane aika nati mm'aane b'a au b'ai b'a a na riki karimoa aika m'anen Iteraera ma aia man naba aika karimoa mm'aane b'a au b'ai.”

Te Otinako 13:2 ပူးပေါင်းရင်းမြစ်များ

Neemia 10:36

Ti na uouoti naba ara karimoa m'aane ao karimoa aine man ara nanai ni kao ao ara nanai n tiibu man n anga nakoia taian ibonga ake a m'akuri n te Tembora, i bukina b'a bon aei te b'ai ae e koreaki n ana Tua te Atua.

Neemia 10:37

Ti na uoti nakoia taiani ibonga n te Tembora taiani kariki aika a aki manti raoi ma moan uaan te tai, n reitaki ma raraoin uaan arokara, ao ara angab'ai are te wain ae e boou ma b'aan te oriwa. Ti na uoti naba katebwinan m'akoron ara tai are te uita nakoia kanoan Rewi ake tabeia riko aia n ara kaawa nako.

Te Otinako 13:1

Ao E taku te UEA nakon Moote,

Te Otinako 22:28

Kam na aki taekina ae e buakaka nakon Iu ke nakon ami tia kairiiri.

Te Otinako 23:19

Kam na katoa ririki ni uota m'akoron ami moa ni uaa aika kabanea n raoiroi nakon te tabo n taromauri. Kam na aki kaburoa te bun ni kooti i nanon mirikin tinana.

Te Otinako 4:22

Ao i mwiina, ko na tuangnga te b'ai are I taekinna, “Iteraera bon Au karimoa te mm'aane,

Etekiera 16:20

Ma ko bon karaoi b'aai riki aika a buakaka riki nakon anne, ko anga oin natim b'a am karea nakon taian bouannanti aikai!

Etekiera 16:21

Ko tiringiia natiu, b'a ko aonga ni konaa n anaia b'a am karea.

Nakoaia Ibonga 27:26

Karimoa man ami man aika kawakawa nako n ami nanai nako bon au b'ai, ma ngaia are, kam aki kona ni berita iai nako Iu.

Warekaia Iteraera 18:15

Au b'ai karimoa mm'aane n aia utu Iteraera, ao ai arona naba ma karimoa mm'aane n aia nanai n tiibu, kooti, ao nanai ni kao, ma a na kabooaki ni kaokaki taiani karimoa mm'aane, ao karimoa mm'aane aika taian aati mai Rou.

Warekaia Iteraera 3:12

Ngke I tiringiia aia karimoa kaain Aikubita, ao I baaireia b'a N na b'ainiia naati mm'aane ake aia karimoa Iteraera n aia utu nako, ao n aia kao ma aia tiibu nako naba.

Warekaia Iteraera 3:13

Ma ngkai I a butim'aia kanoan Rewi b'a oneani mwiin natiia Iteraera aika karimoa mm'aane.

Ruka 2:23

n ai aron are koreaki n ana tua te Uea are e kangai, “B'a naati mm'aane ake moa n nati a na atongaki b'a ana b'ai te Uea.”

Te Tua-Kaua 15:19

Ngkana te karimoa te m'aane natin te kao ke te tiibu ke te kooti, ao e na riai n anganaki te UEA. Kam na aki anaia karimoa m'aane aika kao b'a ami man ni m'akuri, ke ni koroburaea te karimoa te tiibu ae te m'aane.

Ebera 12:23

ma aia botaki taan onimaki ake naati ake kanga ai aroia moan nati, aika a koreaki araia i karawa; ao kam kaania naba te Atua ae te tia motiki taekaia aomata ni kabaneia, ao kam kaaniia naba tamneia aomata ake a b'ab'aina te eti, ake a tia ni karaoaki b'a a na kororaoi aroia n reitaki ma nanon te Atua.