Te Otinako 13:19 - Te B'aib'ara

¹⁹ Ao e uotii riin Ioteb'a Moote n aron ana berita ngkoa Ioteb'a are e a tia karaoia nako ia Iteraera. E kaangai ngkoa ana taeka Ioteb'a, “Kam na uoti riiu mai ikai, ngkana E kamaiungkami te Atua.”

Te Otinako 13:19 ပူးပေါင်းရင်းမြစ်များ

Karikani B'aai 48:21

Ao e taku Iakob'a nakon Ioteb'a, “N aron ae kam nooria, ao e a kaan mateu, ma E na memena iroum te Atua ma ni manga kaokiko rikaaki nako abaia am bakatibu.

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Ruka 1:58

Ao a ongo raon nako Nei Eritabeta ma ana utu b'a E rangi n akoi te Uea nako ina, ao a kim'areirei ma ngaia.

Ruka 7:16

Ao a bane n rotaki n te maaku; ao a kamoamoa te Atua ni kangai: “E kaoti te burabeti ae kakannato i buakora! Ao, E kawariia ana aomata te Atua.”

M'akuri 7:15

Ao e wairio nako Aikubita Iakob'a ma ana utu, ao a mate iai.

M'akuri 7:16

A uotaki rab'ataia nako Tekem, ao a kaweneaki n te nne ni mate, are e kaboa Aberaam n te m'ane mairouia natin Amora i Tekem.

Ebera 11:22

I bukin ana onimaki Ioteb'a, ao ngke e nangi mate, ao e taetae b'a a na oti nako tibun Iteraera mai Aikubita, ao e tua te baere e riai ni karaoaki i bukin riina.

Iotua 24:32

A uoti riin Ioteb'a aomatan Iteraera mai Aikubita, ao a taunna i Tekem are te m'akoro n aba are e kabooa Iakob'a ngkoa n tebubua te m'akoro n tirewa mai roun natin Amora are taman Tekem. E b'ainaki te m'akoro n aba aei i rouia kanoan Ioteb'a.