Te Otinako 13:16 - Te B'aib'ara

¹⁶ E na riki te botaki aei b'a te b'ai ni kauring, kaanga aron te b'ai ae kabaeaki i aon te bai, ke i aon toan te ram'a. E na boni kauringiira aron te UEA ni kaotinakoira mai Aikubita ni m'aakana ae korakora.

Te Otinako 13:16 ပူးပေါင်းရင်းမြစ်များ

Neemia 1:10

Ara UEA, I tataro i bukiia am toro, koraki ake Ko a tia ni kamaiuia ni korakoram ao m'aakam ae e korakora.

Taian Areru 136:11

E kairiia te botannaomata ae Iteraera ni kaotinakoia mai Aikubita; b'a akea tokin ana tangira.

Te Otinako 12:13

E na riki te raraa are i aon bouan mataroan ami auti b'a te kanikina i bukin auti ake kam maeka iai. Ngkana I noora te raraa, N na riaoingkami ao N na aki tiringkami ngkana I katuaaia kaain Aikubita.

Te Otinako 12:41

N tokin te ririki ae abubua tenibwi, a bane n nako iai barongan nako ana aomata te UEA ni kiitana Aikubita.

Te Otinako 13:14

Ngkana a titirakiningkami natimi mm'aane n taai aika a na roko b'a tera te botaki aei, ao kam na kaangai, ‘E kamaiura te UEA ni m'aakana ae korakora, ni kaotinakoira mai Aikubita are te tabo are ti toronaki iai ngkoa.

Te Otinako 13:9

E na riki te botaki aei b'a te b'ai ni kauring, kaanga te kanikina ae kabaeaki i aoni baimi, ke i aon toan ram'ami, e na bon kauring ngkami b'a kam na teimatoa n taetaekinna ma ni kamateb'aia ana tua te UEA, i bukina b'a E kaotinakoi ngkami te UEA mai Aikubita ni m'aakana ae korakora.

Te Otinako 6:1

Ao E taku te UEA ae te Atua nakon Moote: Ko na noora te b'ai ae N na karaoia nakon te uea n te tai ae aki maan. E na kanakoia Au aomata i bukin korakoran m'aakau, ao e na manga bon kakioia nako mai abana.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Taeka n Rabakau 6:21

kaawakinna n taai nako inanom ao tai m'aninga taekana.

Taniera 9:15

Te Atua ae te UEA, ko kaota m'aakam ngke Ko kaotinakoira mai Aikubita, ao e bon teimatoa n uringaki m'aakam. Ti a tia ni bure; ti a tia ni karaoa te kaairua.

Mataio 23:5

A karaoi aia m'akuri ni kabane b'a a aonga n noraki irouia aomata: a karababai aia burakitere, ao a kam'arairai riki rabini kunnikaia!

M'akuri 13:17

E rineia ara bakatibu Atuaia aomata aika Iteraera aikai, ao E karikirakeia b'a te botannaomata ae korakora ngke a maeka n iruwa n te aba are Aikubita. E kaotinakoia te Atua mai Aikubita ni korakorani m'aakana.

Te Tua-Kaua 11:18

Kamatenikunai tuua aikai, ao iangoi n taai nako. Koroi taekaia ao kabaei i aoni baimi ao i aon naba ram'ami b'a kam aonga n teimatoa n ongotaeka nakon iai.

Te Tua-Kaua 26:8

Ao Ko a kakamaakuia kaain Aikubita n am kakai ae korakora ao Ko kamaiura mai Aikubita.

Te Tua-Kaua 5:15

E na kauringngkami te bong ni motirawa aei arou ngke I kanakoa baiu ae m'aaka ni kamaiungkami man te toronaki i Aikubita.

Te Tua-Kaua 6:21

Ao kam na kaekaia ni kaangai. Bon tooro ngkoa ngaira iroun uean Aikubita, ma E kamanena m'aakana ae korakorana te UEA ni kainaomataira.