Te Otinako 13:14 - Te B'aib'ara

¹⁴ Ngkana a titirakiningkami natimi mm'aane n taai aika a na roko b'a tera te botaki aei, ao kam na kaangai, ‘E kamaiura te UEA ni m'aakana ae korakora, ni kaotinakoira mai Aikubita are te tabo are ti toronaki iai ngkoa.

Te Otinako 13:14 ပူးပေါင်းရင်းမြစ်များ

Karikani B'aai 30:33

Ao n te tai teuana, ko na manga tuoia, ao ngkana ko kunea te kooti ae e aki kirimatamata ni wantanta, ke te tiibu ae e aki roro buraena i buakoia au maan aika kawakawa, ao ko na ataia ngkanne b'a I iraeia am maan aika kawakawa.”

1.Rongorongo 16:12

Uring ana kakai ao ana kamimii ao ana babaaire aika a nako raoi.

Neemia 1:10

Ara UEA, I tataro i bukiia am toro, koraki ake Ko a tia ni kamaiuia ni korakoram ao m'aakam ae e korakora.

Taian Areru 136:11

E kairiia te botannaomata ae Iteraera ni kaotinakoia mai Aikubita; b'a akea tokin ana tangira.

Taian Areru 145:4

A na kamoamoa am m'akuri rooro nako; a na tataekin am m'akuri aika korakora.

Taian Areru 78:4

Ti na aki karabai mairouia ara ataei; Ti na tuangiia kaain te roro ae i mwira taekani m'akan te UEA ma m'akuri aika ab'ab'aki ma ni kamimii ake E a tia ni karaoi.

Te Otinako 10:2

ao ko aonga naba ni konaa n tuangiia ami ataei ma tibumi arou ni kaburababaia kaain Aikubita ngke I karaoi taian kakai. Ane kam na bane n ataia b'a bon te UEA Ngai.”

Te Otinako 12:41

N tokin te ririki ae abubua tenibwi, a bane n nako iai barongan nako ana aomata te UEA ni kiitana Aikubita.

Te Otinako 13:3

Ao E taku Moote nakoia aomata, “Kam na ururinga te bong aei, te bong are kam kiitana iai Aikubita, are te tabo are kam toronaki iai. Bon aio te bong are E kaotinakoingkami iai te UEA ni m'aakana. Bon akea te kariki ae karikaki ae na kanaki.

Te Otinako 13:8

Ngkana e moanaki te botaki, ao kam na kab'arab'araa nakoia natimi mm'aane b'a kam karaoi baikai ni kabane i bukin te b'ai are E a tia ni karaoia ngkoa te UEA nako imi i Aikubita.

Te Otinako 13:9

E na riki te botaki aei b'a te b'ai ni kauring, kaanga te kanikina ae kabaeaki i aoni baimi, ke i aon toan ram'ami, e na bon kauring ngkami b'a kam na teimatoa n taetaekinna ma ni kamateb'aia ana tua te UEA, i bukina b'a E kaotinakoi ngkami te UEA mai Aikubita ni m'aakana ae korakora.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 6:1

Ao E taku te UEA ae te Atua nakon Moote: Ko na noora te b'ai ae N na karaoia nakon te uea n te tai ae aki maan. E na kanakoia Au aomata i bukin korakoran m'aakau, ao e na manga bon kakioia nako mai abana.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Ieremia 34:13

Bon Atuaia Iteraera Ngai: I karaoa ngkoa te boraraoi ma ami bakatibu ngke I kaotinako ia mai Aikubita, ike a tia n tautoronaki iai.

Taniera 9:15

Te Atua ae te UEA, ko kaota m'aakam ngke Ko kaotinakoira mai Aikubita, ao e bon teimatoa n uringaki m'aakam. Ti a tia ni bure; ti a tia ni karaoa te kaairua.

M'akuri 13:17

E rineia ara bakatibu Atuaia aomata aika Iteraera aikai, ao E karikirakeia b'a te botannaomata ae korakora ngke a maeka n iruwa n te aba are Aikubita. E kaotinakoia te Atua mai Aikubita ni korakorani m'aakana.

Te Tua-Kaua 5:15

E na kauringngkami te bong ni motirawa aei arou ngke I kanakoa baiu ae m'aaka ni kamaiungkami man te toronaki i Aikubita.

Te Tua-Kaua 5:6

Bon te UEA Ngai ae Atuami, are E kaotinakoingkami mai Aikubita are kam toronaki iai ngkoa.

Te Tua-Kaua 6:12

ao kam na aki m'aninga ae bon te UEA ae kainaomataingkami man te toronaki i Aikubita.

Iotua 22:24

Ti karaoa aei b'a ti raraoma ngkana a manga taetae ami kariki rimwi ni kaangai, “Tera ami b'ai n taromauriia te UEA ae Atuaia Iteraera?

Iotua 24:17

E kaotinakoia tamara ao E kainaomataira naba man te tautoronaki i Aikubita, ao ti bon noori kakai ake E karaoi. Ao E kaawakiniira naba mai rouia botannaomata ake ti rirarikiia i nanon ara tai ni m'am'ananga n te tai teuana ma teuana.

Iotua 4:6

A na riki atiibu aikai b'a kauringaia kanoan Iteraera ana m'akuri te Atua are e a tia ni karaoi. Ngkana a titirakiningkami natimi n tai aika a na roko b'a tera baikai,

Tani Motiki-taeka 6:8

Ao E kanakoa te burabeti nakoia ma te rongorongo aikai: Bon te UEA Ngai ae Atuaia Iteraera, ma ngaia are, kam na ongora nakon te b'ai ae N na taekinna. Bon taian toro ngkoa ngkami i Aikubita, ao I kainaomataingkami ni kaotinakoingkami mai Aikubita nakon te aba aei. Ao ngke a manga karawawataingkami kaain botannaomata ake ikai, ao I kamaiungkami ni katokanikaingkami i aoia ma n taua abaia.