Te Otinako 12:49 - Te B'aib'ara

⁴⁹ E na kamanenaaki naba te kaetieti aei nako ia naba aika bon ataeinimm'aanen raoi Iteraera ao nakoia naba ianena ake a maeka i buakomi.”

Te Otinako 12:49 ပူးပေါင်းရင်းမြစ်များ

Te Otinako 12:50

A ongotaeka Iteraera ni kabane ao a karaoi b'aai ake E a tia ni mwiokoia iai Moote ma Aaron te UEA.

Nakoaia Ibonga 19:34

Ma karaoa ae e raoiroi nakoia n ai aron ae ko karaoia nako ia kaain te aba, ao tangiriia n ai aron tangiram. Uringnga, bon te naa n iruwa ngkami ngkoa n te aba are Aikubita. Boni Ngai te UEA ae Atuami.

Nakoaia Ibonga 24:22

Boni Ngai te UEA ae Atuami, ao I tangiria b'a e na ti te tikina te motiraoi nako imi Iteraera ao nakoia naba akana a maeka n iruwa i buakomi.

Warekaia Iteraera 15:29

E na kamanenaaki naba te tua aei nakoia aomata nako aika a karaoa te bure n tiaki nanoia, b'a tao te Iteraera, ke tao te iruwa ae maeka i buakomi.

Warekaia Iteraera 35:15

Ana riki b'a taabo ni kamauri nakoia aomata ake a maeka i aon Iteraera ake a tiritiri n tiaki nanoia. Ao E taku te UEA:

Warekaia Iteraera 9:14

A kona aomata nako, n ikotaki ma iruwa ake a maeka i buakomi ni kauringa te Riao ngkana a iri taiani kaetieti ni kabane.”

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

I-Korote 3:11

Ao n te aro aei, akea iai te kaokoro i marenan te I-Erene ma te I-Iutaia, te itiaki ma te aki itiaki, te aomata ae tiaki te I-Erene, te I-Tekute, te toro ma te inaomata: ma ae moamoa i aoni b'aai ni kabane boni Kristo, ae E mena i roura ni kabane.