Te Otinako 12:41 - Te B'aib'ara

⁴¹ N tokin te ririki ae abubua tenibwi, a bane n nako iai barongan nako ana aomata te UEA ni kiitana Aikubita.

Te Otinako 12:41 ပူးပေါင်းရင်းမြစ်များ

Karikani B'aai 50:24

Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

1.Uea 6:1

A moana waakinan te Tembora ana taani m'akuri Toromon i nanon te nam'akaina are Tibi, are te kauoua n nam'akaina n te ririki. E a tia ni koro aua ana ririki ni uea Toromon i aon Iteraera, ao ai 480 te ririki i mwiin kitanan Aikubita irouia Iteraera.

2.Rongorongo 14:12

E buokiia Ata ma ana taanga ni buaka te UEA ni kataenikaiia kaain Itiobia. A biri nako tautia,

Taian Areru 102:13

Ko na teirake ni kaota nanoangaan Tion: B'a e a bo ana tai n akoaki; aio raoi taina.

Taian Areru 114:1

E kaotinakoia ana aomata te Atua mai Aikubita, te aba ae a iruwa n ana taetae,

Taian Areru 136:11

E kairiia te botannaomata ae Iteraera ni kaotinakoia mai Aikubita; b'a akea tokin ana tangira.

Te Otinako 12:17

Kam na kaawakina te toa aei i bukina b'a aio te bong are I kaotinakoi ngkami iai mai Aikubita. Kam na riai ni kaakaraoa ami bootaki ni boong ni kabane aika na roko i aon te bong aei b'a te toa.

Te Otinako 12:51

N te bong anne, ao te UEA e kairiia aia baronga Iteraera ni kaotinakoia mai Aikubita.

Te Otinako 13:14

Ngkana a titirakiningkami natimi mm'aane n taai aika a na roko b'a tera te botaki aei, ao kam na kaangai, ‘E kamaiura te UEA ni m'aakana ae korakora, ni kaotinakoira mai Aikubita are te tabo are ti toronaki iai ngkoa.

Te Otinako 13:16

E na riki te botaki aei b'a te b'ai ni kauring, kaanga aron te b'ai ae kabaeaki i aon te bai, ke i aon toan te ram'a. E na boni kauringiira aron te UEA ni kaotinakoira mai Aikubita ni m'aakana ae korakora.

Te Otinako 13:3

Ao E taku Moote nakoia aomata, “Kam na ururinga te bong aei, te bong are kam kiitana iai Aikubita, are te tabo are kam toronaki iai. Bon aio te bong are E kaotinakoingkami iai te UEA ni m'aakana. Bon akea te kariki ae karikaki ae na kanaki.

Te Otinako 13:9

E na riki te botaki aei b'a te b'ai ni kauring, kaanga te kanikina ae kabaeaki i aoni baimi, ke i aon toan ram'ami, e na bon kauring ngkami b'a kam na teimatoa n taetaekinna ma ni kamateb'aia ana tua te UEA, i bukina b'a E kaotinakoi ngkami te UEA mai Aikubita ni m'aakana ae korakora.

Te Otinako 3:10

Ko na nakon te uea ngkai! I kanakoko b'a ko na kairiia Au aomata ni kaotinakoia man abana.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Te Otinako 6:26

Ao te UEA E tuanga Aaron ma Moote b'a a na kairiia utu ni kabane ao baronga n Iteraera ni kaotinakoia mai Aikubita,

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Te Otinako 7:4

Ao i mwiina, N na karokoa te kabanea ni katuaaeaki i aon Aikubita, ao ane e na kanakoia utuun Iteraera ma aia baronga nako.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Nakoaia Ibonga 23:43

b'a a aonga n ataia rooro aika a na roko b'a I kamaekaia aia bakatibu i nanon um'anrianna ngke I kaotinakoia mai Aikubita. Boni Ngai te UEA ae Atuami.

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

Warekaia Iteraera 23:22

E kaotinakoia te Atua mai Aikubita ni korakorana ae ai aron korakoran te kao anti mm'aane.

Warekaia Iteraera 33:1

Ngke a m'ananga Iteraera i aan ana kairiri Moote ma Aaron,

Ioane 7:8

Kam na nako ni kaea te botaki. I aki nako Ngai ni kaea, b'a e tuai ni bo au tai.”

M'akuri 1:7

E taku Iesu nakoia, “Tiaki ami b'ai te atai taian tai nako ma boong ake E bairei te Tama ni m'aakana.

M'akuri 7:36

E kairiia Mote ni kaotinakoia, ngke e tia ni karaoi m'akuri aika kamimii ma kanikina n te aba are Aikubita, ao n te Nama are Uraura, ao n te rereua angaun te ririki.

Te Tua-Kaua 16:1

Kaain Iteraera, kam na riai kauringa te Riao n te nam'akaina are Abibi, i bukina b'a E kamaiungkami te UEA ae Atuami mai Aikubita n ririki aika nako n te tairiki teuana n te nam'akaina anne.

Te Tua-Kaua 4:37

E tangiriia ami bakatibu te UEA, ao E a tia ni baaireia b'a kam na riki b'a ana Aomata. Ma ngaia are, E kamanenaa m'aakana ae korakora ni kaotinakoingkami mai Aikubita.

Iotua 24:5

Rimwi riki ao I kanakoa Moote ma Aaron, ao I karokoa te kaangaanga ae ab'ab'aki i aon Aikubita, ma I kaotinakoi ngkami mai iai.

Iotua 5:14

Ao e kaeka teuarei, “Tiaki ngai raomi ke aiami, ma bon mataniwiin ana taanga ni buaka te UEA.” Ao e b'aka nako aontano Iotua ma n taromauria ao e kangai, “Bon am toro ngai. Tera ae ko tangiria b'a N na karaoia?”