Te Otinako 12:38 - Te B'aib'ara

³⁸ Ao iai naba te koraki n aomata ae korakora ae a iriia aika a m'aiti naba aia tiibu, kooti, ao aia kao aika a kairiia.

Te Otinako 12:38 ပူးပေါင်းရင်းမြစ်များ

Neemia 13:3

Ao i mwiin warekan ana Tua Moote, ao a moana kanakoaia aomata nako ake a riki mairouia ianena Iteraera.

Te Otinako 10:9

Ao e kaeka Moote ni kaangai, “Boni ngaira ni kabane, n reitaki ma natira ao ara kara. Ti na kairiia natira mm'aane ma natira aine, ara tiibu ma ara kooti, ao ara kao, b'a ti tangiria ni karaoa te toa i bukin karinean te UEA.”

Te Otinako 17:3

Ma a bon rangi ni bora n taka aomata, ma ngaia are, a boni ngurengure naba nakoni Moote, ao a taku, “E aera ngke ko kaotinakoira mai Aikubita? Ko na tiringiira ma ara ataei ao ara man n te taka?”

Nakoaia Ibonga 24:10

E mareaki ma te I-Aikubita Nei Teromita ae natin Nei Riberi man te baronga are Taan, ao iai natiia te m'aane.

Tekaria 8:23

Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

Warekaia Iteraera 11:4

Ao n te tai teuana, ao a taonaki n te baki tabeman iruwa ake a maeka i buakoia Iteraera, ao bon Iteraera naba a tang ao a kaangai, “Ai bon akea tannara!

Warekaia Iteraera 20:19

Ao e manga kaoka te rongorongo Moote ao e taku, “Ti boni berita b'a ti na bon ti nakonako i nanon te kawai, ao ngkana tao iai mai roura, ke ara nanai ni man ae nima ami ran, ao ti na manga kabooa mwiina. Akea riki te b'ai ae ti tangiria b'a ti na ti ri nanon abami.”

Warekaia Iteraera 32:1

Ao a rangi ni m'aiti aia nanai ni kao ao n tiibu baronga ake Reuben, ao Kata, ao a nooria b'a a rangi n raraoi uteuten te aba are Iatera ma te aba are Kireata.

Iotua 8:35

Bon akea te tua teuana ae aki warekia Iotua nakoia aomatan Iteraera ni kabane, m'aane, aine, ataei, ao iruwa naba ake a maeka i buakoia.