Te Otinako 12:37 - Te B'aib'ara

³⁷ Ao a waaki nako n nakonako i aon waeia Iteraera mai Rameteti ni kakioa Tukota. E kaaniia onobubua tengaa bootan te mm'aane, n aki warekaki aine ma ataei.

Te Otinako 12:37 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 15:5

Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Karikani B'aai 46:3

Ao e taku te Atua, “Bon Atuan tamam Ngai. Ko na tai maaku ni m'ananga nako Aikubita; N na karikiia ami botannaomata b'a te botannaomata ae korakora ikekei.

Karikani B'aai 47:11

Ao e kamaekaia tamana ma tarina Ioteb'a i Aikubita, ma n anganiia raoiroin aon te aba arei ake i rarikin Rameteti, n aron ana mwioko te uea.

Te Otinako 1:11

Ma ngaia are, kaain Aikubita a manga riki b'a mataniwiia tooro, ao a kairiia n te kairiiri ae matoatoa. Ao a karaoa te kaawa ae buubura are Bitom ma Rameteti Iteraera aika kaawa i bukin kaawakinan kaub'aina.

Te Otinako 10:9

Ao e kaeka Moote ni kaangai, “Boni ngaira ni kabane, n reitaki ma natira ao ara kara. Ti na kairiia natira mm'aane ma natira aine, ara tiibu ma ara kooti, ao ara kao, b'a ti tangiria ni karaoa te toa i bukin karinean te UEA.”

Te Otinako 13:20

Ao a kiitana Tukota Iteraera, ao a katei maeka i Etam i mataniwiin te rereua.

Te Otinako 38:26

A bane ni kab'aka te m'aiti ae e tangiraki aomata nako ake a warekaki, ao bootan m'aitiia mm'aane bon 603,550 aika e raka aia ririki i aon uabwi.

Warekaia Iteraera 1:2

I tangiriko ma Aaron b'a kam na kakaaea m'aitiia baronga ma utuun Iteraera.

Warekaia Iteraera 1:46

ake a kona te nako ni buaka ni kabaneia mai buakoia bon 603,550

Warekaia Iteraera 11:21

Ao e taku Moote, “Tao e kaaniia 6,000 mm'aane aika ikawai ikai, ao Ko na kanga n taku b'a a kona ni karekei tannaia ma aia utu i nanon teuana te nam'akaina?

Warekaia Iteraera 2:32

Ma ngaia are, a bane ni warekaki Iteraera ake n taian auti n rianna ni kaineti ma aia utu. A baaireaki aia taanga ni buaka nakon m'akoroia nako, ao bootaia bon 603,550.

Warekaia Iteraera 26:51

Bootan m'aitiia mm'aanen Iteraera ake a tauaki araia bon 601,730.

Warekaia Iteraera 33:3

A kiitana kaawan Aikubita are Rameteti Iteraera ni katebwi ma nimauan bongin te moan nam'akaina. Bon aei te bong are i mwiin katuaeakiia antin Aikubita iroun te UEA ngke E tiringiia nati mm'aane aika karimoa n aia utu nako kain Aikubita ni kabane.

Warekaia Iteraera 33:5

Ao ngke a tia ni kiitana Rameteti Iteraera, ao a katei auti n rianna i Tukota,