Te Otinako 12:27 - Te B'aib'ara

²⁷ ao kam na kaeka ni kaangai, “Bon karean te Riao i bukin karinean te UEA, i bukina ngke E riaoia aia auti Iteraera i Aikubita. E tiringiia kaain Aikubita, ma E kamaiura.” A katorobubua Iteraera n taromauri.

Te Otinako 12:27 ပူးပေါင်းရင်းမြစ်များ

1.Rongorongo 29:20

Ao e a manga taku Tawita nako ia aomata, “Ami tai ngkanne n neboa te UEA, are te Atua are a tataromauria ami bakatibu!” Ma ngaia are, a bane aomata n neboa te UEA, ao a bobaraaki ni karinea ma aia uea are Tawita.

2.Rongorongo 20:18

E bobaraaki ni karinanoa Ieotiab'ata nako aontano ao a bane aomata n taromauria te UEA.

2.Rongorongo 29:30

Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

Neemia 8:6

Ao e neboa te UEA ae te Atua Etira, ao a takaarua aomata ni kaangai, “Amen! Amen!” Ao i mwiina, a boobaraaki nako aontano ao a taromauriia te UEA.

Taian Areru 44:1

Te Atua, ti ongo n taningara, Ti kaongoaki irouia ara bakatibu taekan am M'akuri ake Ko karaoi ni boong ake ngkoangkoa:

Taian Areru 78:5

E anga taian tua nakon te botannaomata are Iteraera ake kanoan Iakob'a. E anga ana taeka nakoia ara bakatibu b'a a na reireiniia natiia taekan ana tua,

Te Otinako 10:2

ao ko aonga naba ni konaa n tuangiia ami ataei ma tibumi arou ni kaburababaia kaain Aikubita ngke I karaoi taian kakai. Ane kam na bane n ataia b'a bon te UEA Ngai.”

Te Otinako 12:11

Kam na kanna ni kawikoaingkami, b'a kam na katauraoingkami nakon te m'ananga ni karin kunnikaimi, ami kauniwae ao okomi i nanon baimi. Bon aei te Toa are te Riao i bukin karineau Ngai ae te UEA.

Te Otinako 12:23

Ngkana E m'ananga te UEA b'a E na tiringiia kaain Aikubita, e na noora te raraa i aon kain etan ami mataroa ma bouana ao E na aki karina Aneran te Mate b'a e na rin n ami auti n tiring ngkami.

Te Otinako 12:28

Ao i mwiin arei, a nako ma ni karaoi b'aai ake E tuangiia te UEA n aron ana mwioko nakon Moote ma Aaron.

Te Otinako 13:14

Ngkana a titirakiningkami natimi mm'aane n taai aika a na roko b'a tera te botaki aei, ao kam na kaangai, ‘E kamaiura te UEA ni m'aakana ae korakora, ni kaotinakoira mai Aikubita are te tabo are ti toronaki iai ngkoa.

Te Otinako 13:8

Ngkana e moanaki te botaki, ao kam na kab'arab'araa nakoia natimi mm'aane b'a kam karaoi baikai ni kabane i bukin te b'ai are E a tia ni karaoia ngkoa te UEA nako imi i Aikubita.

Te Otinako 34:25

Kam na aki anga te kariki ae e itinaki ngkana kam kareana te man i aon te baonikarea. Ao kam na aki katuka nikiran te man anne n te Riao nakon te bong are i mwiina.

Te Otinako 34:8

Ao e kawaekoaa ni boobaraaki Moote nako aontano ao e taromauriia te UEA.

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

1.I-Korinto 5:7

Kam na kaki te iiti nikawai, b'a kam aonga n riki n ai aron te kariki ni buraawa ae boou are akea te iiti iai: b'a bon anne aromi. B'a b'ain te Toa are te Riao bon te karea ae te tiibuteteei are Iesu Kristo, are E a tia ni kamateaki.

Te Tua-Kaua 16:2

Taiani karea i bukin te Riao bon te kao, te tiibu, ao te kooti, ma kam na anga n taabo ake E a tia n rinei te UEA b'a taabo n taromauri.

Te Tua-Kaua 16:5

Kam na aki anga karean te Riao ni kaawa n aki akaaka akana kam maeka iai