Te Otinako 12:22 - Te B'aib'ara

²² Kam na anaa m'aangan te utob'a, ao kateboa i nanon te boora ae kakanoa n raraan te man, ao kabira bouan mataroan ami auti ma kain naba te mataroa ake mai eta. Bon akea temanna mai buakomi ae e na kiitana ana auti n karokoa te moa n ingabong.

Te Otinako 12:22 ပူးပေါင်းရင်းမြစ်များ

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Te Otinako 12:7

A na riai aomata nako n uota teuana te raraa ma ni kaaki i aon bouan mataroan aia auti are a na kana iai te man.

Itaia 26:20

Naako rinnako ao kaini taiani mataroa, ngkami aika au aomata. Karabaingkami ikanne n te tai ae e uarereke, ni karokoa te tai are e na toki iai unin te UEA.

Warekaia Iteraera 19:18

E na manga kateboa m'aangan te kai ae te utob'a n te ran ma te mannang te aomata naba anne, ao i mwiina, e na tatauriia iai te auti n rianna ma b'aai ni kabane ake i nanona, n reitaki naba ma aomata ake i nanona. Ngkana kam a tia n riinga riin te aomata, ke te ruanimate, ke te mate, ao kam na tataauriaki naba n te ran anne.

Mataio 26:30

Ao ngke a tia n anenea te anene n nebo nakon te Atua, ao a nako n te maunga are Oriweta.

Ebera 11:28

I bukin ana onimaki Moote, ao e a riki iai ni karaoa te Riao ma katimtim'an te raraa, b'a e aonga Aneran te Mate n aki kamateia naati mm'aane ake karimoa.

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

Ebera 9:1

Bon iai tuua n te moa ni boraraoi i bukin te taromauri, ao te tabo naba n taromauri ae b'ain aon te aba.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Ebera 9:19

Ngke e a tia Moote n tuangiia aomata ni kabaneia b'aai ni kabane ake a taekinaki n te Tua, ao e anaa te burae ae uraro ae buraen te tiibu ma te kaib'ab'aa ae te utob'a ao e kamanenai ni katimtim'a iai raraaia bun ni kaao ma kooti, ma te ran i aoia aomata ni kabaneia ma te nira ni boki;

Iotua 2:19

Ngkana iai ane e otinako man te auti aei ao bon ana bure i rouna ngkana e mate, ao ngaira akea naba tabera iai, ao ko na aki bukiniira i rouna, ma ti na bukinaki iroun ane e mate i nanon te auti.

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.