Te Otinako 12:19 - Te B'aib'ara

¹⁹ Akea te iti ae kariaiakaki i nanon taiani mwenga, e aoria ngkana bon te Iteraera ke tiaki. Ngkana kam reke ni kana te b'ai ae e karaoaki man te iti, ko na aki manga atongaki b'a te Iteraera ngkoe.

Te Otinako 12:19 ပူးပေါင်းရင်းမြစ်များ

Te Otinako 12:15

E taku te UEA, “Kam na aki kana te kariki ae karikaki i nanon itiua te bong—Kam na tii kana are aki karikaki. Ao n te moani bong kam na kanakoi taian iti man ami auti nako, b'a ngkana iai ane e kana te kariki ae karikaki i nanon boong akana itibong akanne, ao e na aki atongaki b'a au aomata.

Te Otinako 12:20

Kam na kararoaingkami man te iti, e aki tabe te aba b'a ko maeka ia. Bon akea temanna ae e kariaiakaki ni kana te b'ai ae e karaoaki man te iti.

Te Otinako 12:43

E taku te UEA nakon Moote ma Aaron, “Aikai taian kaetieti i bukin te Riao: akea te ianena ae e na kana am'araken te Riao,

Te Otinako 12:48

ma akea te mm'aane ae tuai ni korotabonim'aneaki ae na kanna. Ngkana iai te ianena ae maeka i buakomi ae tangiria n ira te kauring i bukin te Riao, a na riai moa ni korotabonim'aneia m'anen te auti anne ni kabane. Ao i mwiina, e a tib'a aranaki b'a ataeinimm'aanen Iteraera ni koaua ao e a konaa n ira te toa.

Te Otinako 13:3

Ao E taku Moote nakoia aomata, “Kam na ururinga te bong aei, te bong are kam kiitana iai Aikubita, are te tabo are kam toronaki iai. Bon aio te bong are E kaotinakoingkami iai te UEA ni m'aakana. Bon akea te kariki ae karikaki ae na kanaki.

Te Otinako 13:7

Kam na aki kana te kariki ae itinaki i nanon itiua te bong, e na bon akea te iti ke te kariki ae itinaki n taabo ni kabane i aon te aba.

Te Otinako 23:15

Kam na karaoa te Toa are te Kariki are Aki Karikaki ngkana kam kana te kariki are e aki karikaki, n aron are I a tia ni mwiokoingkami iai. Kam na karaoa aei n taina raoi n te nam'akaina are Abibi,

Te Otinako 30:33

Ko na aki manga riki b'a ana aomata te UEA ngkana ko karaoa anne.”

Te Otinako 34:18

Kam na aki m'am'aninga ni karaoa te Toa are te Kariki are Aki Karikaki n te nam'akaina are Abibi.

Nakoaia Ibonga 23:5

Te Riao bon ami tai naba ni bootaki n taromauriai, ao e riai n rungaaki n tairikin katebwi ma aua ni bongin te moan nam'akaina

Warekaia Iteraera 9:13

Ma ngkana iai i roumi ae rawa ni karaoa te Riao ngkana kam aki m'ananga nako kiraroa, ao e na katinanikuaki. E na bon katuaeaki i bukina ngke e aki anga karea nako Iu n te tai ae riai.

Te Tua-Kaua 16:3

Kam na kang taian iriko ni kabane akana taiani karea i bukin te Riao n te tairiki naba anne. Ma kam na aki kamanena te kariki ae karikaki n tain te am'arake n te Riao. Kam na kamanena te aekaki ni kariki are mmani are kam kanna naba ngke tooro ngkoa ngkami aika kam karawawataaki i Aikubita, ao ngke kam nang kiitana Aikubita n te tai ae waekoa. E na riki te kariki ae mmani aei b'a kauringakimi n taai nako te bong are kam kiitana iai Aikubita. Kam na aki karaoa te kariki ae itinaki i nanon itiua te bong, i nanon bongin te Toa are te Riao, Kam na aki karaoa te kariki ae itinaki. E nanonaki raoi iai b'a a na bon akea te iti i aon Iteraera ni kabutaa.