Te Otinako 12:16 - Te B'aib'ara

¹⁶ N te moani bong ao n te kaitiua ni bong kam na bootaki n taromauri. Bon akea te m'akuri ae na karaoaki i nanon boong akanne, ma kam riai ni katauraoa te am'arake.

Te Otinako 12:16 ပူးပေါင်းရင်းမြစ်များ

Te Otinako 16:23

ao e taku nako ia, “E a tia n tua te UEA b'a bon te bong ni motirawa nakon te ingabong. Te bong ae katabuaki i bukina. Kam'ai n te bong aei, akana kam tangiri ni kaburoi, ao nikiraia kam na kaawakin i bukin te ingabong.”

Te Otinako 16:29

Uringnga b'a I a tia n anganingkami te bong ni motirawa Ngai ae te UEA, ao bon anne bukina are I aki toki n anganganingkami iai kanami ae tau i nanon te ka onoua ni bong i bukin uabong. B'a a na bane aomata n aki nakonako man te tabo are a mena iai n te kaitiua ni bong, ma n aki kiitan aia auti.”

Te Otinako 16:5

A na kabatiai riki kanaia aika a rikorikoi nakon are a bon tataneiai iai n te kaonoua ni bong, ao ma ni katauraoia.”

Te Otinako 20:10

ma te kaitiua ni bong, bon te bong ni motirawa ae katabuaki b'a au b'ai. Bon akea temanna ae na m'akuri n te bong anne. Kam na aki m'akuri iai ngkami ma ami ataei, ami toro, ami man ke ami iruwa akana maeka i abami.

Te Otinako 34:18

Kam na aki m'am'aninga ni karaoa te Toa are te Kariki are Aki Karikaki n te nam'akaina are Abibi.

Itaia 1:13

Akea boonganan ami karea, ao a rangi n ribaaki ami b'ai ni kaboiarara. I aki konaa moan ami m'akuri aika buakaka aika kam karaoi n ami Toa ae Moan Otin Nam'akaina ke n ami Taabati ao taai n taromauri ake tabeua.

Nakoaia Ibonga 23:21

Aio bon te bongi n runga ma n taromauri, ae te tai ni motirawa man ami m'akuri. Ngkami ma kanoami kam riai n ongotaeka nakon te tua aei.

Nakoaia Ibonga 23:27

N te Katebwina ni bongin te kaitiua n nam'akaina bon te Bong ae Kakannato i bukin te Kab'arabure: Boni bongin te taromauri; a riai aomata ni kabane n aki am'arake ni kaota nanokawakiia i bukin aia bure, ao a riai ni kabuokaki karea.

Nakoaia Ibonga 23:35

Akea temanna ae e na karaoa te m'akuri ni moani bongin te toa, bon te tai n roko i bukin te taromauri.

Warekaia Iteraera 28:18

Ni moani bongin te Toa aei, kam na motirawa iai man ami m'akuri, ao kam na botaki n taromauriai.

Warekaia Iteraera 28:25

Ao kabaneani bongin te Toa, kam na manga motirawa naba iai man ami m'akuri, ao kam na bootaki n taromauriai.

Warekaia Iteraera 28:26

Kam na motirawa man ami m'akuri ni moanibongin te Toa ae M'anganikaai. Kam na ikotaki n taromauri, ao uota te karea are te uita ae boou.

Warekaia Iteraera 29:1

Ni moani bongin te kaitiua n nam'akaina, ao kam na motirawa man ami m'akuri, ao kam na ikotaki ni bukamarua tangin taiani bu.

Warekaia Iteraera 29:12

E na moanaki te Toa ae M'anganikaai man katebwi ma nimauan te kaitiua n nam'akaina ao n reitinako i nanon itiua te bong, ike a na bane iai aomata ni bukamarua te Toa ae M'anganikaai b'a karineau.

Ioane 19:31

Bon te bongi ni katauraoi te bong arei, ma ngaia are a butiia Birato ibonga ake mataniwi b'a a na oteaki waeia uake a tauraki n te kaibangaki, ao a na karuoaki rab'ataia b'a a na aki tiku n tine n te kaibangaki ni karokoa bongin te Taabati, b'a te bong ae kakannato te Taabati arei.

Te Tua-Kaua 16:8

Kam na kana te kariki are mmani i nanon riki onoua te bong. Ao n te kaitiua ni bong, kam na aki m'akuri iai, ma kam na ikotaki n taromauria te UEA.