Te Otinako 12:14 - Te B'aib'ara

¹⁴ Kam na bukamarua te bong aei b'a te bong ae te toa are kauringaakimi n te b'ai are E a tia n karaoia te UEA. Kam na kaakaraoia n taai nako ni boong aika a na roko.”

Te Otinako 12:14 ပူးပေါင်းရင်းမြစ်များ

2.Uea 23:21

E taetae Iotia nakoia kaain Iuta ni kaangai, Kam na kauringa te Riao b'a karinean te UEA ae Atuami n aron are e taekinaki ni Bokin Ana Tua te Atua.

Taian Areru 111:4

Moan te kakannato te Atua n ana m'akuri aika kamimii; E ataataiaomata ao e nanoanga.

Taian Areru 135:13

Te UEA, e na tai toki tataekinam b'a te Atua Ngkoe; A na bane rooro nako n ururingko.

Te Otinako 12:17

Kam na kaawakina te toa aei i bukina b'a aio te bong are I kaotinakoi ngkami iai mai Aikubita. Kam na riai ni kaakaraoa ami bootaki ni boong ni kabane aika na roko i aon te bong aei b'a te toa.

Te Otinako 12:24

Kam na riai n iri taian tua aikai ma natimi n taai nako.

Te Otinako 12:43

E taku te UEA nakon Moote ma Aaron, “Aikai taian kaetieti i bukin te Riao: akea te ianena ae e na kana am'araken te Riao,

Te Otinako 12:6

Ao i mwiina, n tairikin te katebwi ma aua ni bong n te nam'akaina, a na bane Iteraera n tiringiia maan.

Te Otinako 23:15

Kam na karaoa te Toa are te Kariki are Aki Karikaki ngkana kam kana te kariki are e aki karikaki, n aron are I a tia ni mwiokoingkami iai. Kam na karaoa aei n taina raoi n te nam'akaina are Abibi,

Te Otinako 27:21

i matan te keeten are e kaokoroa te tabo are e tabu ma te tabo are moan te tabu, are kaawakinaki iai te Atiniberita. Tabeia Aaron ma natina mm'aane kaakauraan te taura ni katoa tairiki i nanon te Um'antabunrianna. A riai Iteraera n ongotaeka nakon te mwioko aei.

Te Otinako 5:1

Ao a m'ananga Moote ma Aaron nakon uean Aikubita ao a tuangnga ni kaangai, “E taku te UEA ae te Atua, “Ko na kariaia Au aomata b'a a na nakon te rereua, b'a a aonga ni konaa ni karineai ni karaoa aia bootaki ni kukurei ikekei.”

Etekiera 46:14

Ao raona bon uoua te kirokuraem te buraawa ae e mte ao b'aan te oriwa are a na kareanaki b'a karea are te uita. E na aki bibitaki te tua

Nakoaia Ibonga 23:6

E moa te Toa are te Kariki ae Aki Karikaki mani katebwi ma nimauan naba te nam'akaina aei; e na karaoaki i nanon itiua te bong, ao i nanon boong aikai kam riai ni karineai ni kanakin te kariki ae e aki karikaki.

Tekaria 6:14

E na kaawakinaki te baunuea aei i nanon au Tembora b'a te b'ai ni kauring ao e na tararuaaki iroun Eretai, Tobia, Ietaia, ao Iotia.”

Warekaia Iteraera 10:8

A na katanga te bu ibonga ake utuun Aaron, ao e na aki manga bitaki te tua aei.

Warekaia Iteraera 15:15

E na bon aki manga oneaki te tua aei. Bon te UEA Ngai ae ti te arona aomata ni kabane i Rou.

Warekaia Iteraera 16:40

n aron are E a tia te UEA n tuanga Moote. Ao a riki taiani baan akekei b'a b'aai n reirei nako ia Iteraera b'a bon ti Aaron ma kanoana aika kariaiakaki n anga te b'ai ni kaboiarara nakon te UEA. Ao ngkana iai ane kataia riki, e na manga katuaaeaki naba n aron Kora ma raona.

Warekaia Iteraera 18:8

Ao e taku te UEA nakon Aaron, “I a tia n anganiko taiani b'aintangira ma taiani karea ake a uoti nako Iu Iteraera b'a ami b'ai. Ao man te tai aei nakon taai aika na roko ko na b'aina m'akoron te karea ni kab'arabure natim mm'aane, ao kanoam,

Mataio 26:13

E koaua ae I a tuangngkami, b'a n taabo nako ike e taekinaki iai te euangkerio, ao te b'ai ae e karaoia neiei e na taekinaki naba b'a kanuringana.

Ruka 22:19

Ao E anaa te berena, ao ngke E tia n tataro ni katituaraoi, ao E urua ao E anganiia ana reirei, ao E kangai, “Rab'atau aei ae I anga i bukimi, Karaoa aei b'a kanuringau!”

Te Tua-Kaua 16:1

Kaain Iteraera, kam na riai kauringa te Riao n te nam'akaina are Abibi, i bukina b'a E kamaiungkami te UEA ae Atuami mai Aikubita n ririki aika nako n te tairiki teuana n te nam'akaina anne.

Te Tua-Kaua 6:8

Koroi katotongaia ao kabaei i aon baimi ao ram'ami b'a kam aonga n uringnga.

Iotua 4:7

ao kam na kaongoraaia b'a ngke e ri nanon te Ioretan Ana Ati ni Berita te UEA ao e rina n toki raangan ranin te karaanga. A na kateimatoa uringan baika a riki n te bong aei ikai atiibu aikai.”

1.Tamuera 30:25

E karaoa te tua aei Tawita i bukin Iteraera, ao e kaawakinaki ni karokoa te bong aei.