Te Otinako 11:8 - Te B'aib'ara

⁸ Ao e kabanea ana taeka Moote ni kaangai, “A na bane n roko am mataniwi nako iu ni boobaraaki i matau, ao a na buubutiai b'a N na kairiia nako au aomata ma ni m'ananga nako. Ao i mwiin anne, I a m'ananga nako.” Ao i mwiina, e kiitana te uea Moote ma te marakinnano.

Te Otinako 11:8 ပူးပေါင်းရင်းမြစ်များ

1.Uea 20:10

ao e taku, “N na boni kamaunaa Taamaria ni kabane. E na bon akea nikirana naba teutana are e na konaa n uotaki rikaaki i nanon baiia tautia. Ngkana I aki karaoa aei, ao I tataro b'a e na karekea kaiu te anti n te aro ae moan te kamaamate.”

2.Uea 3:9

Ma ngaia are, a kam'anangaia aia taanga ni buaka Ioram ma Ieotiab'ata ao uean Etom. Ma itiua te bong i mwiina, ao a akea te ran are a na mooi iai ma aia man.

Neemia 5:6

Ao ngke I ongo ngurengureia ma aia boo, ao I a rangi n un.

Taian Areru 6:1

Te UEA, Ko na tai boaai, ke ni kataereai n reireiai ngkana Ko un.

Te Otinako 10:29

Ao e kaeka Moote ni kaangai, “E koaua ane ko taku. Ko na aki manga oki n noorai.”

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Etekiera 3:14

Ao e uotai nako te Tamnei nako kiiraroa. Ao e niiniai m'aakan te UEA ao E kairai, ao e a rangi ni maraki nanou ao I un.

Taniera 3:19

Ao e a rangi ni maraki nanon Nebukaneta, ao e a ura moana n un irouia Tiateraka, Metiaka ao Abeteneko. Ma ngaia are, e kanakoa ana taeka b'a e na kauraaki te ai ae itiua te tai kabuebuena nakon are boni kabuebuen ae e tataneiai te aba iai.

Warekaia Iteraera 12:3

B'a kaanga ai bon antai ngaia n ana iango? E bon tataetae naba te UEA nako ira tiaki tii ngaia.” E bon ongo te UEA ngurengureia

Mareko 3:5

E un Iesu ngke E tarataraia nako, ao E nanokawaki naba i bukina ngke a matoatoa nanoia; ao E taku nakon teuarei, “Arora nako baim.” Ao e aroria, ao e maiu baina.

Te Tua-Kaua 29:24

Ao ane a na titiraki aomatan botannaomata tabeua ni kaangai, E aera ngkai E kamaunaa te aba aei te UEA? Tera ae E a rangi n un iai?

Te Tua-Kaua 32:24

Kam na oreaki n te baki ao taian aoraki ae kamaamate, ao n aia boitin maan aika kawakawa aika aki manana ao aia boitin taian naeta.

Ebera 11:27

I bukin ana onimaki Moote, ao e kitana Aikubita n aki maka unin te uea. E kanene n arona aei b'a kanga ai aron ae e nora te Atua ae aki nonoraki.

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.

Tani Motiki-taeka 4:10

ike e botiia iai aia taanga ni buaka Teburun ma Nabetari aika 10,000, ao e kairiia B'araka nako Keteti. Ao e iri naba Nei Tebora.

Tani Motiki-taeka 8:5

Ao e uakaan ma ngaiia te kaawa are Tukota, ma ngaia are, a nako iai ao a bubuti kanaia ni kaangai, Taiaoka karekea kanaia kaain ara taanga ni buaka. Ti a rangi ni kua, ma ti riai ni kakioia uean Miiria ake Teba ao Taremunna.