Te Otinako 11:7 - Te B'aib'ara

⁷ Ma e na bon aki kaukau naba te kamea nakoia Iteraera ke aia man. Ao kam na ataai iai b'a bon te UEA Ngai, ae E kaokoroia kaain Aikubita ma Iteraera.’ ”

Te Otinako 11:7 ပူးပေါင်းရင်းမြစ်များ

Iobi 5:16

E anga te kaniwanga nako ia aika akea aia b'ai, ao E katoki karongoaaia aika buakaka.

Taian Areru 7:12

Ngkana a rawa aomata n rairaki man aroia, ao E na kakangiia ana kabaang te Atua, ao E na kab'aoua ana kainikatebe ni katauraoia.

Te Otinako 10:23

A aki konaa n nooriia kaain Aikubita i bon i rouia, ao bon akea ae roko n te kiitana ana auti n te tai anne. Ma bon iai te oota irouia Iteraera n te tabo are a maeka iai.

Te Otinako 7:22

Ma a kamanenaa m'aakaia taan tabunea i Aikubita ni karaoa te aekaki naba arei. Ao te uea e bon karaoa raoi are e taekinna te UEA are e rangi n taningamatoa n rawa n ongo.

Te Otinako 8:19

Ao a tuanga te uea taan tabunea b'a bon te Atua ae E karaoia. Ma n aron are E a tia n taekinna te UEA, e bon teimatoa naba n aki kan ongo te uea.

Te Otinako 8:22

N na kamaiuia kaain te aono are Koten, ike a maeka iai au aomata, b'a e na akea te nango iai. N na karaoa aei b'a ko aonga n ataia b'a I bon mena naba n te aba aei Ngai ae te UEA.

Te Otinako 9:26

Bon te aono are Koten, are a maeka iai Iteraera are akea iai te karau te aiti.

Te Otinako 9:4

N na kaokoroi aia man Iteraera ma aia man kaain Aikubita, b'a e aonga n akea manin Iteraera ae na mate.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

1.I-Korinto 4:7

B'a antai ae karaoiko b'a e na raka arom nakoia tem'angina? Ao tera ae iai i roum ae ko aki anganaki? Ao ngkana e a tia n reke i roum, ao ko aera ngkai ko kamoamoako b'a aongkoa ko aki anganaki?

Iotua 10:21

Ao a bane n oki rikaaki tautian Iteraera nakon aia kaemb'a i M'aketa ma te rau. Ao bon akea riki ae manga taetae n eekaanako Iteraera man te tai arei n te aba arei.