Te Otinako 11:6 - Te B'aib'ara

⁶ E na roko te tang ae e korakora i aon Aikubita ni kabutaa, ae akea n ai arona mai m'aaina ke i mwiina.

Te Otinako 11:6 ပူးပေါင်းရင်းမြစ်များ

Te Otinako 11:7

Ma e na bon aki kaukau naba te kamea nakoia Iteraera ke aia man. Ao kam na ataai iai b'a bon te UEA Ngai, ae E kaokoroia kaain Aikubita ma Iteraera.’ ”

Te Otinako 12:30

Ao a bane n uti n te tairiki anne, te uea, ana mataniwi, ao kaain Aikubita ni kabane ake tabem'aang. E a taona aon Aikubita ni kabutaa n te tang ae korakora, i bukina ngke a bane ni mate naati mm'aane n taiani mwenga ni kabane.

Te Otinako 3:7

Ao E taku te UEA: I a tia n noora aron rawaawatan tautoronakiia Au aomata i Aikubita, ao I ongo b'anaaia ni buubuti buokaia mai Rou i bukin te aro ae aki riai are e karaoaki nako ia,

Te Otinako 9:18

N te tai aei nakon te ingabong N na karokoa te karau te aiti, n aron ae e tuai man n reke n rongorongon Aikubita ni kabane.

Taeka n Rabakau 21:13

Ngkana kam aki buoka te aomata ae e maiu ni kainano, tai iangoia b'a a na ongo b'anaam aomata ngkana kam tang ni buubuti buokami.

Itaia 15:8

E ongo te aba te tang ni kaawan nako Ekeraim ao Beera-erim ao n taabo nako i aon Moaaba.

Itaia 19:16

Ngkana e katuaaea Aikubita te UEA ae Moan te M'aaka ni baina ae e korakora, ao a na bon rangi ni mamaara kaain Aikubita ao a na ruru ni maaku.

Ieremia 31:15

E ongo te aba te tang ae e korakora mai Ram'a Tangin Nei Rakera i bukiia natina, ao e rawa ni karauaki nanona, i bukina ngke a mate.

B'aeb'aeti 3:8

I takaaruaea buokau, ma E aki kan ongo te UEA;

Amota 5:17

E na bane n tang te aba i nanon nne n aroka. A na bane n riki aikai i bukina b'a N na bon roko ni katuuaingkami. Bon ana taeka te UEA.

Teb'ania 1:10

“Ao n te bong arei,” bon ana taeka te UEA, “Ko na ongo te tanginiwenei n te mataroa are e aranaki b'a te ika i Ierutarem, ao ko na ongo te tanginiwenei n iteran te kaawa are e boou, ao te rurunga man taian tabuki.

Ruka 13:28

Ane kam na tang ao kam na tenai riami ikekei ni kaota ae kam un, ngkana kam nora Aberaam, Itaaka, Iakob'a ma burabeti ni kabaneia n uean te Atua, ao ngkami kam teweaki nako tinaniku.