Te Otinako 11:2 - Te B'aib'ara

² Ko na taetae nakoia Iteraera ao tuangiia ni kabane b'a a na buubutiia kaain rarikin aia auti aia koora ao aia tirewa aika b'aai ni katamaroa.

Te Otinako 11:2 ပူးပေါင်းရင်းမြစ်များ

Karikani B'aai 24:53

Ao e kaotinakoi ma n anga taian kunnikai ma tirewa, ao taiani koora aika tamaroa nakon Nei Rebeka. Ao e anga naba taiani b'aintangira aika bobuaka nakon m'anen Nei Rebeka ma tinana.

Karikani B'aai 31:9

E a tia te Atua n anai taian nanai mairoun tamami man anganai.

Taian Areru 105:37

Ao E kairiia ni kaotinakoia Iteraera ma uotaia aika tirewa ma koora: Ao a bane ni marurung ma ni korakora rab'ataia.

Taian Areru 24:1

Bon ana b'ai te UEA aaba nako, ma kanoaia; te aonnaba ma ake a maeka iai.

Te Otinako 3:21

I mwiin, katuaaeaia kaain Aikubita, are a na rangi ni maakuko ao a na anganiko b'aai ni kabane ake ko tangiri. Bon Au aomata ngkami, ao N na bon kariaia b'a kam na uoti b'aai aika a m'aiti ngkana kam kiitana Aikubita.

Te Otinako 3:22

A na bane ainen Iteraera n nakoia kaain rarikiia aika ainen Aikubita ke ainen Aikubita ake a maeka n aia auti. A na buubutia te koora ao te tirewa are te b'ai ni katamaroa ao aia kunnikai aika rangi n tamaroa. Ane a na anganingkami kaain Aikubita, ao kam na kaaki b'aai aikai i aoia natimi mm'aane ma natimi aine. Kam na uoti baikai ni kabane ngkana kam kiitana Aikubita.

Te Otinako 32:24

Ao i mwiina, I buubutiia b'a a na uoti nako iu aia taabia koora. A buuti ma n anganai. I kab'akai taiani koora i nanon te ai, ao I a karaoa te kao aei mai iai.

Te Otinako 35:22

Ao a roko mm'aane ma aine ma te kukurei ao a anga taian b'ainikatamaaroa n aekaia nako n aron taian biin, taabia, taian m'am'a, ao taian m'ae n roroa.

Taeka n Rabakau 13:22

Ngkana kam ongotaeka iroun te Atua, ao a na iai ami b'ai tabeua aika kam na katikui i bukiia tibum. Ma ngkana kam aki ongotaeka iroun te Atua, ao ane a na manga anai b'aai ake kam katikui aomata aika a raoiroi maiuia.

Akai 2:8

Au b'ai taian tirewa ao taian koora,

Mataio 20:15

Tiaki b'a iai i rou te inaomata ni karaoa ae I tangiria ma au b'ai? E aera b'a ko na moanoku ngkai iai i rou te nano n akoi?”