Te Otinako 10:7 - Te B'aib'ara

⁷ Ao a taku ana mataniwi te uea nako ina, “E na maan ra ana tai te mm'aane aei ni kaakarokoa te kangaanga nako ira? Ani kanakoia Iteraera, b'a aonga ni konaa n taromauria te UEA ae Atuaia. Ko tuai namakinna ae e urubekebeke Aikubita?”

Te Otinako 10:7 ပူးပေါင်းရင်းမြစ်များ

Taian Areru 107:34

Ao te aba ae uaa b'a te raereke ae tarika, i bukin aia bure akana maeka iai.

Te Otinako 12:33

Ao kaain Aikubita a ienikuriia aomata b'a a na kawaekoaia ni kiitana te aba; ao a taku, “Ti na bane ni mate ngkana kam aki nako.”

Te Otinako 23:33

Kam na aki katikuia i abami. B'a ane ana kam'aneingkami iai ni karaoi buure aika a kaitaraai ao kam na taromauriia antiia iai.

Te Otinako 7:5

A na ataia kaain Aikubita b'a te UEA Ngai ngkana e riki aei.

Te Otinako 8:19

Ao a tuanga te uea taan tabunea b'a bon te Atua ae E karaoia. Ma n aron are E a tia n taekinna te UEA, e bon teimatoa naba n aki kan ongo te uea.

Taeka n Rabakau 29:6

A na manga bon raweiko am bure, ma akana a maiuakina te raoiroi a na anene mani bootaki ni kukurei.

Te Minita 7:26

Aei mwiin te b'ai ae I kunea: E buakaka riki te aine ae e kam'araa nakon te mate. Bon te b'ai ni kam'ane ngaia, ae e kaaenakoa rab'atana ma nanona n raweiko. Ma ngkana ko ongotaeka iroun te Atua, ao ko na konaa ni biri nako mai rouna. Ngkana ko aki ongotaeka, ao e a tia ikanne.

Itaia 14:20

Ko na aki taunaki ma taiani uea: ko urua abam ao ko tiringiia am aomata. Bon te mannikaakang ngkoe ae e buakaka! Ti kaantaningaia b'a a na m'anuokinaki taekaia am utu n aki toki.

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Ieremia 48:4

Ane e na maaenako Moaba! A na maikeike ami ataei

Ieremia 51:8

Ma e na rina ni b'aka B'aburon ao e na uruaki. Boni Ngai ae te UEA ae I tuangiia ianena ake a maeka ikekei ni kaangai, “Taang i bukin te kaawa! karekea te b'ainaoraki i bukin ikoakina; tao a na bae n raoiroi.”

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

1.I-Korinto 7:35

I atonga aei b'a e manena i bukimi; ma tiaki nanona b'a I kani karaoi aaro n tutuki nako imi, ngkai I tangiringkami b'a kam na karaoa ae e eti ma n riai, ao kam na toro iroun te Uea n aki tabeaianga.

Iotua 23:13

ao E na bon aki manga kakioia nako botannaomata aikai mai m'aimi te UEA ae te Atua ngkana kam buakaniia. Ma ana riki b'a b'aai aika a na kakamaaku nakoimi n ai aron te kaini kab'aru ma te abea. Ao a na riki naba b'a b'aai aika a kammaraki n aron te kainikataere i nuukami ao te kateketeke i nanon matami, ao e na teimatoa n riki aei nakoimi ni karokoa banemi man te aba aei, ae E a tia n anganingkami te UEA ae Atuami.

1.Tamuera 18:21

ao e taku i nanona, “N na tuanga Tawita b'a e na iein ma ngaia, ao N na kam'anea i rouna b'a e aonga n tiringaki irouia kaain Biritia.” Ao e taku, “N na anganiko riki natiu te aine ae te kauoman b'a ko na iein ma ngaia.”

1.Tamuera 5:11

Ao a manga tewea riki aia bowi taan tautaeka i Biritia kaain Ekeron ao a taku nako ia, “Kaoka te Atiniberita aei nakoia ake bon aia b'ai, b'a ti kaawa ni mate.” Ao a bane ni maaku aomata ni kabane, i bukina ngke E katuaaia te UEA n te aro ae moan te rawawata,