Te Otinako 10:21 - Te B'aib'ara

²¹ Ao E a manga taku te UEA nakon Moote, “Tabeka baim nako karawa, ao e na roko te rootongitong ae e na rabuna aban Aikubita ni kabutaa.”

Te Otinako 10:21 ပူးပေါင်းရင်းမြစ်များ

Iobi 5:14

e ngae ngke te tawanou, ma a na kakaae nako baiia n te rootongitong

Taian Areru 105:28

E karooa aon te aba, ma a aki ongeaba n ana taeka.

Taian Areru 35:6

A na roo kawaia ma ni kamaranran n aia tai ni kakioaki iroun ana anera te UEA!

Taian Areru 78:49

E kariki rawawataia ae bati ngke E kaota nakoia unna ma bonon nanona ae moan te korakora; Ao a atongaki arona aikai ngkana a roko b'a ai aroia taan ua-rongorongo aika roko b'a a na tiritiri.

Te Otinako 7:19

Ao e tuanga Aaron Moote b'a e na taua okona i aon te ran. Ao ngke e karaoa arei, ao e a bane naba ni bitaki ranin Aikubita ni kabane nakon te raraa, n reitaki ma taian karaanga ni kabane, taiani kanare, taian nei, ao taian ran naba ake i nanon taiani b'aketi ma taian tiaeki.

Te Otinako 9:22

Ao E taku te UEA nakon Moote, “Tabeka baim nako karawa, ao e na b'aka te karau te aiti i aon aban Aikubita ni kabutaa, i aoia aomata, maan, ao aroka ni kabane i nanon te katawanang.”

Taeka n Rabakau 4:19

Katein maiuia aomata aika a buakaka kaanga ai aron te rotongitong ae e korakora, ao a na bon aki konaa n ataia b'a tera ae e toki waeia iai.

Te Minita 2:14

Maata aika uoua aika a raraoi kaanga ai aron te wanawana; ao te nanobaba e katikuko i nanon te roo. Te wanawana ke te nanobaba, ma ti te bo tokira.

Te Minita 6:4

E na aki manga noora taai te ataei anne ke e na aki aranaki, ao e na m'ananga ni kaineta te aonnaba are e rootongitong.

Etekiera 32:7

N na kaona karawa ni kabutaa ma taian itoi n taian nang aika a matenten, b'a a aonga n toki ootan taai ma nam'akaina.

Mataio 27:45

Ngke e a tawanou, ao e roo aon te aba ni kabane ni karokoa te aoa tenua n te tanimaeaontaai.

Mareko 15:33

Ngke e a tawanou, ao e roo aon te aba ni kabutaa ni karokoa te aoa tenua n te tanimaeaontaai.

Ruka 23:44

Tao e a tawanou, ao e roo aon te aba ni kabanea ni karokoa te aoa tenua n te tanimaeaontaai.

Te Tua-Kaua 1:30

E na kaira te kawai te UEA ae Atuara, E na buaka i bukira, n aron are ti nooria ngke E karaoi b'aai ni kabane nakoia kaain Aikubita.

Te Tua-Kaua 28:29

n te aro are kam na riki b'a aomata aika matakii aika kakaaenako baiia e ngae ngkana e a kiro te tawanou, ao a aki kona naba n ataia b'a e a bong ke a ngaina. A na oroingkami ma ni kimoai ami b'ai aomata ni kabane bongin maiumi, ao bon akea ae na kona ni katokiia.

2.Betero 2:17

Boni kanga m'anib'a aika akea te ran i nanoia te koraki aei, ao kanga mabubu aika buti b'a a ukaki n te ang ae baibati; e kawakinaki i bukiia neia n te roo ae rotongitong.

2.Betero 2:4

B'a E aki kamaiuia anera te Atua ake a bure, ma E teweia nako moone, ike a kabaeaki n taurekereke i nanon te rotongitong, ike a kabaeaki iai n taurekereke i nanon te roo b'a a na kawakinaki iai ni karokoa motikan taekaia.

Iuta 1:13

kanga naoni marawa aika kakamaaku ma aroia aika kamamaa aika noraki b'a kanga buroburon naao; kanga itoi aika tiotio nako, aika e kawakinaki i bukiia neia n aki toki n te roo ae rotongitong.

Iuta 1:6

Ao anera ake a aki rauaki ni neia ni m'aka are a katauaki iai ma a kitan oini mwengaia, a kawakinaki i Rouna ni kabaeaki n taurekereke aika akea tokiia n te tabo ae rotongitong i m'ain te motiki-taeka n te bong are kakannato;

Te Kaotioti 8:12

Ngke e katanga ana bu te anera are te kaaman, ao e uruaki kateni-m'akoron taai, ma kateni-m'akoron nam'akaina, ma kateni-m'akoron itoi; b'a e aonga ni karooaki kateni-m'akoroia, ao b'a e aonga n aki oota kateni-m'akoron te ngaina, ao ai aron naba te bong.