Te Otinako 10:2 - Te B'aib'ara

² ao ko aonga naba ni konaa n tuangiia ami ataei ma tibumi arou ni kaburababaia kaain Aikubita ngke I karaoi taian kakai. Ane kam na bane n ataia b'a bon te UEA Ngai.”

Te Otinako 10:2 ပူးပေါင်းရင်းမြစ်များ

2.Tamuera 7:22

Te UEA ae Moan te M'aaka, Ko korakora riki nakoia ake tem'angina. Bon akea ae ti te bo ma Ngkoe, bon ti Ngkoe te Atua. A bane ni koaua b'aai ni kabane aika taekam ake ti ongo.

Taian Areru 44:1

Te Atua, ti ongo n taningara, Ti kaongoaki irouia ara bakatibu taekan am M'akuri ake Ko karaoi ni boong ake ngkoangkoa:

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Taian Areru 58:11

Ane a na kaangai iai aomata, “Iai booni mwin aia m'akuri aomata akana raoiroi ae e na reke i rouia; bon iai te Atua ae te tia motika taekan aon te aba.”

Taian Areru 71:18

Te Atua, tai kaaki taekau ngkai I a kara ao e a iaia iran atuu! Ko na raonai n au tai n tataekin am M'akuri ake ab'ab'aki ma ni kamimii nakoia roroo nako aika na roko.

Taian Areru 78:3

ake baike ti a tia n ongo ma n atai, ake ti a tia n tuangaki taekaia irouia ara bakatibu.

Te Otinako 13:14

Ngkana a titirakiningkami natimi mm'aane n taai aika a na roko b'a tera te botaki aei, ao kam na kaangai, ‘E kamaiura te UEA ni m'aakana ae korakora, ni kaotinakoira mai Aikubita are te tabo are ti toronaki iai ngkoa.

Te Otinako 14:18

Ngkana I konaiia, ao a na bon ataia iai kaain Aikubita b'a bon te UEA Ngai.”

Te Otinako 14:4

N na karaoia b'a e na taningamatoa, ao e na manga kakioingkami, ao e na riki au tokanikai i aon te uea ma ana taanga ni buaka b'a karineau. Ane a na ataia iai kaain Aikubita b'a bon te UEA Ngai. Ao a karaoa are a tuangaki Iteraera.

Te Otinako 7:17

“E nang karaoa te b'ai teuana te UEA ni kaotia b'a bon te UEA Ngaia. N na orea te Naire n te oko aei, ao e na onikaki te ran nakon te raraa.”

Te Otinako 7:5

A na ataia kaain Aikubita b'a te UEA Ngai ngkana e riki aei.

Te Otinako 8:6

Ao e ongotaeka Aaron, ao a rina n roko taian biraoki ni kabuta aon Aikubita.

Itaia 38:19

Bon ti aomata aika a konaa ni karab'ako, n aron ae I karaoia n te bong aei. Rooro nako a na kaongoia te roro ake i mwiia aron am kakaonimaki.

Etekiera 20:26

ao I kariaia b'a a na anga nako iu taiani karea aika a aki kariaiakaki, n reitaki ma naati m'aane ake taiani karimoa. I karaoa aei b'a N na kakamaakuia b'a a na ataia b'a boni Ngai ae te UEA ae I katuaaia.

Etekiera 20:28

ngke a anga karea ni kaboiarara, ao te wain nakoia anti i aon te tabuki ao i aan aroka aika korakora. I bon rangi n un, i bukina b'a a karaoi b'aai aikai n te aba are I a tia n anganiia!

Ioera 1:3

Tuangiia natimi! Tataekinna nakoia tibumi ao natiia tibumi naba.

I-Ebeto 6:4

Ao ngkami taama, tai kauniia natimi: ma kam na tongaiia ma ni kairiia i aan te reireiaki ma te tuatuangaki aroia aika riai n ai aron nanon te UEA.

Te Tua-Kaua 4:9

Kam na rangi n taratara raoi b'a kam na aki m'aninga b'aai ake E a tia ni karaoi te UEA nakoimi. Kam na teimatoa ni bon kakauringingkami i bon iroumi, ao tuangiia natimi ma tibumi naba.