Te Otinako 10:16 - Te B'aib'ara

¹⁶ Ao e kawaekoaa te uea ni weteia Moote ma Aaron ao e taku, “I a tia ni bure nakon te UEA ae Atuami ao nako imi.

Te Otinako 10:16 ပူးပေါင်းရင်းမြစ်များ

2.Tamuera 19:20

I ataia b'a I bon bure. Ao bon anne bukina ngkai I tangiria b'a N na riki b'a te moan aomata ngai mairouia kaain barongan meaang ni kaaitibo ma ngkoe.”

2.Tamuera 24:10

Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”

2.Tamuera 24:17

E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

Te Otinako 8:25

Ao te uea e kanaanako ni weteia Moote ma Aaron ao e taku nakoia, “Kam na nako n anga ami karea nakon Atuami, ma kam na aki kiitana Aikubita.”

Te Otinako 8:8

Ao te uea e kanaanako ni weteia Moote ma Aaron ao e tuangiia ni kaangai, “Ngkana kam tuanga Atuami b'a e na anaia taiani biraoki aikai mai rou ao mai rouia au aomata, ao N na kariaia nakoia am aomata b'a a na anga karea nako im.”

Te Otinako 9:27

Ao e kanaanako ni weteia Moote ma Aaron te uea ao e taku, “I a tia ni bure nakon te UEA n te tai aei; e bon eti te UEA, ao I bure ma au aomata.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Warekaia Iteraera 21:7

Ao a nakon Moote tabeman aomata, ao a taku, “E boni bure arora ngke ti ekiko nako ma te UEA. Ma ti a butiiko b'a ko na bubutiia b'a E na kanakoia naeta aikai.” Ao e tataro Moote,

Warekaia Iteraera 22:34

Ao e kaeka B'araam ao e taku, “I a tia ni kaairua, I aki roko n te ataia ae ko kataia ni katokai. Ngkana ko taku b'a N na aki nako, ao n nang okira au auti n te tai naba aei.

Mataio 27:4

ao e taku, “I a tia ni bure ngke I kam'anea te aomata ae akea ana bure.” Ao a taku, “Tera ara b'ai iai? Ai bon am b'ai anne!”

1.Tamuera 15:24

Ao e kariaia burena Tauro, ao e taku, “I a tia ni bure. I aki ongotaeka i roum ao i roun te UEA b'a I maaka te taanga ni buaka, ao I ira nanoia.

1.Tamuera 15:30

Ao e taku Tauro, “I boni bure, ma taiaoka ma karineai i mataia taani kairiiri n te taanga ni buaka ao i mataia Iteraera. Okirikaaki ma ngai b'a I aonga ni kona n taromauria te UEA ae Atuam.”

1.Tamuera 26:21

Ao e kaeka Tauro ni kaangai, “I a tia ni karaoa ae e kaairua. An ooki Tawita, ae natiu te rorobuaka! N na bon aki manga karaoa riki ae e buakaka nakoim, b'a ko a tia n nanoangaai n te tairiki aei. I a tia n nanobaba! I a tia ni karaoi m'akuri aika a kakamaaku!”