Te Otinako 10:13 - Te B'aib'ara

¹³ Ma ngaia are, e tabeka okona Moote, ao e karokoa te ang n te aba arei ni kabane te bong ma te ngaina. E a tia ni karokoia taian rokati (noora nanon te taeka aei i aan Taeka ma Nanoia) ngke e a moa n ingabong.

Te Otinako 10:13 ပူးပေါင်းရင်းမြစ်များ

Karikani B'aai 41:6

Ao a manga raure riki itiua naba taian amwi ni uita aika irariki aika a rai n angin te rereua,

Taian Areru 105:34

E taetae, ao a roko karinan ni keeketi aika kanga ai aron te taake, aika aki konaaki ni warekaki m'aitiia.

Taian Areru 148:8

Ma iti ma maibiibi n aiti; ma tinoo ma taian nang ma te ang ae baibati a ongeaba nakon ana taeka.

Taian Areru 78:26

E kawaia naba te angi mainiku b'a e na kare ri eta; Ao E kauekea te angi maiaki ni m'akana.

Taian Areru 78:46

E kanakoia rookati b'a a na kang arokaia ao a na uru aia tabo n ununiki.

Te Otinako 14:21

Ao e arora nako baina Moote i aon taari, ao E uka taari ni kaokia te UEA n te angi mainiku ae korakora. E kare ni katoa tairiki n te aro are e a onika taari nakon te aba ae m'auteretere. Ao e bwenauaaki taari

Taeka n Rabakau 30:27

Taian rookati, aika akea aia uea, ma a m'ananga kaanga te taanga ni buaka;

Iona 1:4

Ao te UEA, E kabuakaa marawa n te ang ao e korakora, ao e a kan uruaki te kaibuke ni korakoran te buaka.

Iona 4:8

I mwiin otin taai ao te Atua E kanakoa te ang mainiku ae e kabuebue, ao e rootaki Iona ao e kuri n tong ni kabuebuen taai ngke e b'akaria. Ma ngaia are, e bon bubuti bon i bukina b'a e na mate, ao e kaangai, “E raoiroi riki mateu nakon maiu.”

Mataio 8:27

Ao a mimi aomata akekei, ao a taku, “Te aeka n aomata tera Teuaei? Ngkae a ongo i Rouna te ang ma naao!”