Te Otinako 1:7 - Te B'aib'ara

⁷ ma a riki rake ni m'aiti aia kariki Iteraera, ao a karikiia natiia aika m'aiti ma ni korakora ni karib'aia kaain Aikubita,

Te Otinako 1:7 ပူးပေါင်းရင်းမြစ်များ

Karikani B'aai 1:20

Ao E a manga taku te Atua, “Ke e kaonaki taari ni maan aika maiu n aekaia nako, ao ke e kaonaki annang n taiani mannikiba.”

Karikani B'aai 1:28

ao E kakab'aiaia, ao E taku, “Karikiia natimi aika m'aiti, b'a a aonga ni kaona te aonnaba kanoami ma n taua taekan te aonnaba. I anganingkami te tautaeka i aoia ika, mannikiba, ma maan ni kabane aika aki manana.”

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 15:5

Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Karikani B'aai 17:16

N na kakab'aiaa, ao N na karekea natim te mm'aane mai rouna. N na kakab'aiaa, ao e na riki b'a tinaia botannaomata nako, ao a na riki uea irouia kanoana.”

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 26:22

Ao e a manga kitana ikekei, ao e a manga kena te m'anib'a riki teuana, ao ai bon akea te kamangaongao n aei, ma ngaia are, e a aranna b'a “Inaomata.” Ao e taku, E a anganiira ngkai te inaomata te Atua ni maeka n te aba aei, ao ti nang bon taia arora ikai.

Karikani B'aai 26:4

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

Karikani B'aai 28:14

A na rangi ni m'aiti am kariki n ai aron m'aitin tanon aonnaba. Ao a na rababanako abaia ni wairio, ni waerake, nakoiang, ao n nakoaiaki, ao ane a na butiai botannaomata b'a N na kakab'aiaia n ai arou ngke I kakab'aiako ma am kariki.

Karikani B'aai 35:11

Ao E taku te Atua nako ina, “Boni Ngai te Atua ae moan te M'aaka. Karikiia natim aika m'aiti kurikuri. A na riki botannaomata mai roum, ao ko na riki b'a aia bakatibu taian uea.

Karikani B'aai 46:3

Ao e taku te Atua, “Bon Atuan tamam Ngai. Ko na tai maaku ni m'ananga nako Aikubita; N na karikiia ami botannaomata b'a te botannaomata ae korakora ikekei.

Karikani B'aai 47:27

Ao a maeka Iteraera i Aikubita n aonon Koten, ike a riki b'a aomata aika kaub'ai ma ni karikiia natiia aika m'aiti.

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

Karikani B'aai 48:4

ao E taku nako iu, ‘N na anganiko am kariki aika m'aiti, ao a na riki b'a au botannaomata; N na anga te aba aei nako ia am kariki b'a abaia n aki toki.’ ”

Karikani B'aai 9:1

Ao E kakab'aiaa Nooa te Atua, ma natina mm'aane, ao E taku, “Karikiia natimi aika m'aiti b'a a aonga ni maekana te aonnaba ni kabane kanoami.

Neemia 9:23

Ko kairiia nakon te aba are Ko a tia ni berita iai nakoia aia bakatibu, ao Ko kakab'aiaia aia botannaomata ma taian aomata ake a aki konaa ni warekaki m'aitiia kaanga itoini karawa.

Taian Areru 105:24

A kabatiaki aia kariki ana Aomata iroun te UEA, Ao E kakorakoraia riki nakoia aiaia.

Taian Areru 107:38

E kakab'aiaia ana Aomata ni kabatiai natiia; Ao E kawakinia aia kao b'a a na aki kerikaki m'aitiia.

Te Otinako 1:12

Kakorakoraan karawawataaia Iteraera irouia kaain Aikubita ai aron ae boni kakorakoraan aia botannaomata n taona aon te aba, ao e a rikirake maakuia kaain Aikubita irouia Iteraera.

Te Otinako 12:37

Ao a waaki nako n nakonako i aon waeia Iteraera mai Rameteti ni kakioa Tukota. E kaaniia onobubua tengaa bootan te mm'aane, n aki warekaki aine ma ataei.

Te Otinako 5:5

E korakora riki m'aitimi nako ia kaain Aikubita, ao kam a manga aki m'akuri!”

Etekiera 16:7

I aki tabe ma ngkoe, kaanga te aomata ae e tabeakina arokana ae e uarereke. Ko a ikawai ma n riki b'a te ataeinaine ae e botonaine ma mmamam aika a tamaroa ao iran atuum ae e m'arairai, ao ko bon beebekan naba.

M'akuri 13:17

E rineia ara bakatibu Atuaia aomata aika Iteraera aikai, ao E karikirakeia b'a te botannaomata ae korakora ngke a maeka n iruwa n te aba are Aikubita. E kaotinakoia te Atua mai Aikubita ni korakorani m'aakana.

Te Tua-Kaua 10:22

Ngke a moani m'ananga ami bakatibu ni maeka i Aikubita, ao ti itingaun m'aitiia. Ma E a tia te UEA ni kakab'aiaingkami, ao ngkai kam a rangi ni m'aiti riki nakon taiani itoi i karawa.

Te Tua-Kaua 26:5

Ao i mwiina, kam na tei i matan te tabo n taromauri, ao kam na tataro ni kaangai: Bon akea aia auti ngkoa au bakatibu, kaain Aram ake a nako ni maeka i Aikubita. Bon te utu ngkoa ngaiia ao ti tabeman ngaiia i abaia, ma a rikirake m'aitiia ao korakoraia, bon te botannaomata ngaiia ae kauaomata.