Te Otinako 1:20 - Te B'aib'ara

²⁰ Ao E kakab'aiaia taani kabung akekei te Atua i bukina ngke bon aomata ngaiia aika mamaaka te Atua,

Te Otinako 1:20 ပူးပေါင်းရင်းမြစ်များ

Taian Areru 103:11

Rababan ana tangira te UEA kanga ai aron rietaatani karawa mai aon te aba.

Taian Areru 111:5

E kareke kanaia akana karinea; E aki toki n ururinga ana boraraoi ma ngaia.

Taian Areru 145:19

E kareke baika a kai nanoia iai akana a karinea; E ongo tangiia ao E kamaiuia.

Taian Areru 61:5

Te Atua, Ko a tia n ongo au taeka ake I taku b'a N na kakoro bukiia; Ao Ko a tia n anganai te kab'aia are aia b'ai akana karineko.

Taian Areru 85:9

E bon tauraoi ni kamaiuia akana karinea, Ao E na kaota memenana i abara ni kamaiuakira i rouna.

Te Otinako 1:12

Kakorakoraan karawawataaia Iteraera irouia kaain Aikubita ai aron ae boni kakorakoraan aia botannaomata n taona aon te aba, ao e a rikirake maakuia kaain Aikubita irouia Iteraera.

Te Otinako 1:19

Ao a taku aine akekei, “B'a a boni kaokoro ainen Iteraera ma ainen Aikubita; a bungiia natiia n akea aia kangaanga, ao a kaman bung i m'aain rokora i rouia.”

Te Otinako 1:7

ma a riki rake ni m'aiti aia kariki Iteraera, ao a karikiia natiia aika m'aiti ma ni korakora ni karib'aia kaain Aikubita,

Taeka n Rabakau 11:18

E uotiko te buakaka n taabo nako te tei ni baba, ma e kaniwanganaki te raoiroi.

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Te Minita 8:12

A karaoi buure aika tebubua m'aitiia, ao a maiu ni karokoa karaia, ao a aki reke n te taeka n rabakau are e kaangai: A na teetekeraoi aomata nako aika a maiuakina te raoiroi ao a karinea te Atua,

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Mataio 10:42

Ao ane anga ti te m'angko n ran ae m'aitoro nakon temanna i buakoia aika uarereke aikai ngkae e atongaki b'a au reirei, ao e koaua ae I a tuangngkami b'a e na bon anganaki kaniwangana.

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Ruka 1:50

E nanoangaia aomata ake a karinea man te rorona nakon te rorona.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.