Te Otinako 1:14 - Te B'aib'ara

¹⁴ A kam'akuria n aia waaki ni kateitei, ao n ribanai abaia, ao bon akea aia nanoanga teutana nako ia.

Te Otinako 1:14 ပူးပေါင်းရင်းမြစ်များ

Karikani B'aai 15:13

Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki.

1.Uea 12:14

E taetae ni kaitaraia n aki karariki teutana man tuangiia aia taeka ni buobuoki ana taani buobuoki ao e taku: “E kam'akuri korakorai ngkami tamau, ma ngai N na rangi ni kam'akuri korakorai ngkami riki. E kataerei ngkami ni kainikataere ao ngai N na kataerei ngkami ni kainikataere aika iai m'akoro ni biti aika a kakang aika a nim iai!”

Taian Areru 129:1

Iteraera, tuangiira aroia am kairiribai ni b'ainikiriniko ma ngke ko moa n riki b'a te botannaomata ngkoe.

Taian Areru 68:13

katotongaia taobe aika kabiraki aoia n te tirewa, ao a karaneaneaki baiia ni kiba n te koora ae aki renganaki. (A aera ami koraki tem'angina ngke a tiku i buakoni neia tiibu n tain te buaka?)

Taian Areru 81:6

I anai uotami aika rawaawata mai aon akuumi, Ao I kainaomataingkami mani m'akuri aika mamatoa.

Te Otinako 1:11

Ma ngaia are, kaain Aikubita a manga riki b'a mataniwiia tooro, ao a kairiia n te kairiiri ae matoatoa. Ao a karaoa te kaawa ae buubura are Bitom ma Rameteti Iteraera aika kaawa i bukin kaawakinan kaub'aina.

Te Otinako 1:13

A karawawataai maiuia ni kairoroia nakon te tautoronaki ae matoatoa.

Te Otinako 1:15

Ao e taetae uean Aikubita nako ia ana tia kabung i bukiia ainen Ebera ake Tibera ao Buua,

Te Otinako 2:23

A bon teimatoa naba Iteraera ni ngurengure i mwiin maten uean Aikubita i bukina ngke a kairoroaki b'a a na riki b'a tooro. Ao a tang ni buubuti buokaia,

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 6:9

Ao ngke e tuangiia Iteraera taekan te baei i bukiia, ao a rangi ni b'ara nanoia iai ao a rawa ni kakoaua.

Taeka n Rabakau 28:15

Ti te bo ma te raian ae e bekorara ke te bea ae e karana kanana, te tia tautaeka ae e aki karaoa ae e aki riai nakon ane e maiu ni kainano.

Itaia 10:24

E taku ngkai te UEA ae te Atua ae Moan te M'aaka nakoia ana Aomata i Ierutarem: A oroingkami kaain Aturia n taiani kai ma ni kabuakakaingkami, n aron are a karaoia kaain Aikubita. Ma kam na aki maakuia.

Itaia 14:6

ake a kiunuun ma n aki toki ni kabuakakaia aomatan botannaomata ake tekorakina.

Itaia 51:23

Ma I a anga nakoia am kairiribai nako, ake a karikiko b'a te baareka ma n toubekaiko.”

Itaia 52:5

ao ngkai ai manga te botannaomata teuana e a manga uotiko nako b'a te taenikai ao bon akea naba bukina teuana. A ngirangira am taani kairiiri ni maraki, ao e karereantiaki arau n te bong teuana ma teuana.

Itaia 58:6

N na tuangngkami nanon raoi taromaurian te UEA. Kanakoi tieiniia buure ake a kabaeaki n te aro ae e aki eti. Kainaomataia akana a kabuakakaki!

Nakoaia Ibonga 25:43

Ma ngaia are, ongotaeka i Rou, ao tai b'ainikiriniia aika a aki kaub'ai.

Nakoaia Ibonga 25:46

Kam kona ni b'ainiia, ao kam kona naba ni katikuia irouia natimi ngkana kam mate, ma tai toroniia oin ami aomata, ke tao ni b'ainikiriniia.

Nakoaia Ibonga 25:53

Ao ngkana e riki b'a te toro irouia iruwa i aon oin abana, a na taraia ana aomata b'a e na aki buraakiakonaki.

Mika 3:3

Kam kaniia au aomata, kam kanakoi kuniia, kam otoi riia ao kam korokoroia nako nanon te b'aata kaanga taian iriko maiu.

Naum 3:14

Itii raan ni katauraoi i m'ain katobibiam ni buakanaki, kamatoatoai nonom nako. Kaboboa bokabokan te buriki, ao b'ain te oroburiki!

Warekaia Iteraera 20:15

A maeka ngkoa ara bakatibu i Aikubita, ao a maeka ikekei n te tai ae maan. Ma i mwiin te tai ae maan, ao a karaoa te m'akuri ae aki raoiroi nakoira kaain Aikubita.

M'akuri 7:19

E burebureia ara koraki, ao e b'ainikiriniia ara bakatibu ni kairiia ma te matoa b'a a na kaakiia aia merimeri mani mwengaia, b'a a aonga ni mate.

M'akuri 7:34

I noori raoi aroni b'ainikirinaia au botannaomata ake a mena i Aikubita, ao I ongo ngirangiraia, ao I a ruo b'a N na kamaiuia. Ao ngkai, nako mai, b'a N na kanakoko nako Aikubita.”

Te Tua-Kaua 26:6

A rangi n iowawa kaain Aikubita nakoira ao akea naba aia tangira nakoira. A karaoi m'akuri aika buakaka nakoia ara aomata ao ni kam'akurira n aroia tooro.

Te Tua-Kaua 4:20

Ma bon ana Aomata te UEA ngkami, i bukina b'a E kairiingkami i nanon taiani kakatai aika kabuebue, ao E kamaiungkami mai Aikubita.

Ruuta 1:20

Ao e kaekaia ni kaangai, “Tai aranai b'a Naomi, ma aranai b'a Maara b'a E kamaaia maiu Teuare Moan te M'aaka,