Te Otinako 1:11 - Te B'aib'ara

¹¹ Ma ngaia are, kaain Aikubita a manga riki b'a mataniwiia tooro, ao a kairiia n te kairiiri ae matoatoa. Ao a karaoa te kaawa ae buubura are Bitom ma Rameteti Iteraera aika kaawa i bukin kaawakinan kaub'aina.

Te Otinako 1:11 ပူးပေါင်းရင်းမြစ်များ

Karikani B'aai 15:13

Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki.

Karikani B'aai 47:11

Ao e kamaekaia tamana ma tarina Ioteb'a i Aikubita, ma n anganiia raoiroin aon te aba arei ake i rarikin Rameteti, n aron ana mwioko te uea.

1.Uea 9:19

Ao e karaoi taiani kaawa ike e na konaa ni kaawakin iai ana b'ai nako ma ana kaanibuaka, ao taian aoti. E karaoi Toromon n taabo nako ake e bon taku i aon Iteraera, Reb'anon, ao n taabo nako i nanon abanueana.

2.Rongorongo 16:4

Ao Benatata, e karaoa te b'ai are e bubutiia Ata ao e kanakoia ana taanga ni buaka Turia nako nanon Iteraera. A taua te kaawa are Iion, Taan, Abera-Maim, ao kaawa ni kabane ake i Nabetari ake a kaawakinaki iai b'aai.

2.Rongorongo 8:4

E kam'akuriia ana taani m'akuri ni karaoa te kaawa are Tatemora n te rereua ao tabeua kaawan te aba are Amata ake e na konaa ni kaawakin iai ana b'ai.

Taian Areru 105:13

A m'am'ananga man te botannaomata teuana nakon teuana, Ao man te aba teuana nakon teuana.

Taian Areru 129:1

Iteraera, tuangiira aroia am kairiribai ni b'ainikiriniko ma ngke ko moa n riki b'a te botannaomata ngkoe.

Taian Areru 129:2

Ma ngke I moa n uarereke ao a tia au kairiribai ni b'ainikirinai n te aro ae I rawata iai; Ma a aki kona n tokanikai i aou.

Taian Areru 68:13

katotongaia taobe aika kabiraki aoia n te tirewa, ao a karaneaneaki baiia ni kiba n te koora ae aki renganaki. (A aera ami koraki tem'angina ngke a tiku i buakoni neia tiibu n tain te buaka?)

Taian Areru 81:6

I anai uotami aika rawaawata mai aon akuumi, Ao I kainaomataingkami mani m'akuri aika mamatoa.

Te Otinako 1:14

A kam'akuria n aia waaki ni kateitei, ao n ribanai abaia, ao bon akea aia nanoanga teutana nako ia.

Te Otinako 2:11

Ao e otinako Moote ngke e a ikawai nakon te tabo are a mena iai oin ana aomata aika m'akuri korakora, ao e noora te I-Aikubita ae e orea temanna mai buakoia.

Te Otinako 3:7

Ao E taku te UEA: I a tia n noora aron rawaawatan tautoronakiia Au aomata i Aikubita, ao I ongo b'anaaia ni buubuti buokaia mai Rou i bukin te aro ae aki riai are e karaoaki nako ia,

Te Otinako 5:10

Ao a nako aia mataniwi tooro ao mm'aane ake taan tararuaia ao a tuangiia ni kaangai, “E taku te uea b'a ti na aki manga anganingkami te uteute.

Te Otinako 5:15

Ao n tokina mm'aane aika Iteraera ake a tararuaia tooro a m'ananga ni kawara te uea ao a taku, “E aera ngkai ko karaoa aei nako ira?

Te Otinako 5:8

ma a na bon karaoa naba te m'aiti ni buriki n aron are a bon kaakaraoia mai m'aaina. A taningaroti, ke a aonga n aki manga butiai b'a N na kanakoia n anga karea nakon Atuaia.

Taeka n Rabakau 27:4

E kamaamate te aomata ae e un, ma e a rangi ni kamaamate riki te aomata ae e babakantang.

Warekaia Iteraera 20:15

A maeka ngkoa ara bakatibu i Aikubita, ao a maeka ikekei n te tai ae maan. Ma i mwiin te tai ae maan, ao a karaoa te m'akuri ae aki raoiroi nakoira kaain Aikubita.

Te Tua-Kaua 26:6

A rangi n iowawa kaain Aikubita nakoira ao akea naba aia tangira nakoira. A karaoi m'akuri aika buakaka nakoia ara aomata ao ni kam'akurira n aroia tooro.