Te Minita 9:8 - Te B'aib'ara

⁸ Karina kunnikaimi, koomiia irami, ao katikiraoingkami.

Te Minita 9:8 ပူးပေါင်းရင်းမြစ်များ

2.Tamuera 14:2

ma ngaia are, e kanakoa temanna b'a e na kaira te aine ae e wanawana are e maeka i Tekoa.

2.Tamuera 19:24

Ao e kaaitibo naba ma Tawita Mebiboteta are tibun Tauro te m'aane. E a tia n aki kakaitibo ma Tawita n te tai ae e maan n te aro are e tuai man tebotebo ke ni koreaki buaina ke ni uaati kunnikaina man te tai are e nako iai Tawita.

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Taian Areru 23:5

Ko katauraoa te baka ae ab'ab'aki ibuku ike a na norai iai taan ribaai. Ko butim'aeai b'a kanga te iruwa ngai ao ko kaona au m'angko ni karokoa e taonako.

Taniera 10:3

I aki am'arake ni kang am'arake aika a raraoi ke taian iriko ni man, ke ni mooi n te wain, ke ni kaara iran atu ni karokoa banen tenua te wiiki.

Amota 6:6

Kam momooi wain n taian boora ao kam kabiri ngkami ni kabira aika a rangi ni boiarara, ma kam aki nanokawaki i bukin uruan Iteraera,

Mataio 6:17

Ma ngkana ko aki mamatam, ao ko na kabira atuum, ao teboki matam;

Ruka 7:46

Ko aki kabira atuu n te b'a, ma neiei e kabira waeu n te b'a.

Te Kaotioti 16:15

“Noria, ae N na roko n ai aron te tia iraa! E a kab'aia ane kamarurungnga ni kawakini kunnikaina, b'a e kaawa n nakonako n akea karabaana ao e mamaa ngkana e noraki.”

Te Kaotioti 19:14

Ao a iria n ri mwina taanga ni buaka ake i karawa i aoia aoti aika mainaina, ao a kunnikaiaki n te rinen ae e raoiroi ae mainaina ae itiaki.

Te Kaotioti 19:8

E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).

Te Kaotioti 7:9

I mwini baikai ao I taratara nako, ao noria, aomata aika rangi ni m'aiti aika mani botannaomata ni kabaneia, ma baronga, ma natanaomata, ao mani botannaomata nako aika a kakaokoro aia taetae; ao akea temanna ae kona ni wareki m'aitiia. A tei i nanoaan te kaintokanuea, ao i matan te Tiibuteteei, ao a kunnikaiia ni kunnikai aika m'am'arai aika mainaina, ao baanikaai aika ai aroni baan te ni i nanoni baiia;

Ruuta 3:3

Ma ngaia are, tebokiko, ao kabiriko, ao karina kunnikaim ae tamaroa, ao nako nakon te tabo are e kaaki kuuni b'aare iai, ma ko na aki kaotiko nakoina ni karokoa tiana n am'arake ma ni mooi.