Te Minita 9:7 - Te B'aib'ara

⁷ Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Te Minita 9:7 ပူးပေါင်းရင်းမြစ်များ

Karikani B'aai 12:19

E aera ngke ko taku b'a m'anem, ao ko kariaia b'a N na anaia b'a buu? Ao aei buum, anaia, ao otinako mai ikai!”

1.Uea 8:66

Ao n te kawani bong, e a kanakoia aomata ni kabane nakoni mwengaia. A bane ni kabo, ao a nako ma te kukurei i bukini b'ai aika a raraoi aika E a tia ni karaoi te UEA i bukin ana Toro are Tawita ao aomatan Iteraera.

Te Minita 10:19

Ko na kukurei n te am'aam'arake ao te momooi, ao e konaa ni kabooi b'aai ni kabane aika ko tangiri te kamaraato.

Te Minita 11:8

E ngae ngkana ko maiu ni karokoa karam, ao ko na riai ni kataia ni kukurei n te bong koraki, i bukina b'a ane e na manga roko te rootongitong ao e na tiku ni maan. Akea nanon b'aai nako.

Te Minita 5:18

Tera te b'ai ae e rangi ni kakaawaki ae e riai ni karaoaki n te maiu ae e rangi ni uarereke ae e anganiira te Atua? I taku b'a ti riai ni kukurei n te am'aam'arake, te momooi, ao te m'akuri korakora.

Te Minita 7:14

Ko na rangi ni kukurei ngkana a nakoraoi taai, Ko na iango b'a tera bukina ngkai a roko taai aika a buakaka. E karikii te Atua ni kauoua b'a ti aonga n ataia b'a tera ae e na manga riki i mwiina.

Te Minita 8:15

Ma ngaia are, I iangoia b'a ti na karekei ara b'ai man te maiu n aron are ti konaa ni karekei. Bon akea riki te b'ai ae e raoiroi nakon ae te kakukureira ni kanara ao nimara ao reken te tai ae e raoiroi. Ao n te aro anne, ti na konaa iai n ri nanon kangaangan te maiu, n aron are e a tia n anganiira te Atua n te aonnaba aei.

Warekaia Iteraera 6:20

Ao ngkoe, ko na manga kaoki n angan te ibonga, ao te ibonga, e na tabekirake ni katabui nako Iu, ao i mwiin aei, ao e a kona ni kana irikon angan te tiibu mm'aane, n ikotaki ma rii ni kaokaona, ao rangana, b'a bon anne tib'angana man te karea. Ao i mwiin aei, ao ko na aki manga atongaki b'a te Natiraite, ao ko a inaomata n nima te wain.

Mareko 7:29

Ao E taku Iesu nako ina, “I bukin am kaeka anne, ao ko na nako n okira mwengam, ao ko na nora natim b'a akea te taimonio i rouna.”

Ruka 11:41

Ma kam anga b'ai ake i nanon ami m'angko ma ami raurau b'a b'aai n akoi; ao noria, a bane n itiaki b'ai ni kabane i bukimi.

Ioane 4:50

E taku Iesu nakoina, “Ko na nako; e na maiu natim.” Ao teuarei e kakoauai ana taeka Iesu ao e nako.

M'akuri 10:35

E kukurei iroun ane iai i rouna karineana ae moan te bati, ao e kakaraoa ae e raoiroi, e aoria b'a kaain te botannaomata ra ngaia.

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

Te Tua-Kaua 12:7

Kam na aki manga anga te karea n taabo nako ike kam tangiria ni karaoia iai, ma E nang rinea te tabo teuana te UEA i aon Iteraera ike kam na taromauriia iai.

Ruuta 3:7

Ngke e a tia n am'arake ma ni mooi Boaati, ao e kukurei nanona, E nako ni wene i aon te b'ariko ni b'aare. Ao e karaurau n roko Ruuta, ao e ieta rabunan bukin waen Boaati, ao e wene i bukin waena.