Te Minita 9:2 - Te B'aib'ara

² Ma ni koauana raoi e na bon ti te bo te b'ai ae e na riki naba nakoira ni kabane n tokina, e ngae ngkana tao ti maiuakina te raoiroi ma ni karinea te Atua, ke ngkana tao ti bure ma n aki karinea te Atua. Eng, e na bon riki naba te b'ai ae ti te bo ngkana ti anga ara karea nakon te Atua ke ngkana ti aki, ke ngkana ti kakoroa bukin ara berita ke ngkana ti urui.

Te Minita 9:2 ပူးပေါင်းရင်းမြစ်များ

Karikani B'aai 24:3

b'a I tangiria ni berita ma ngkoe n aran te UEA, ae Atuan karawa ma aonnaba, b'a ko na aki karekea buun natiu te mm'aane mai buakoia kaain Kanaan.

Iobi 9:22

Ti te bo ngkana e tiringaki te aomata ae akea ana bure ma te aomata ae iai ana bure iroun te Atua.

Taian Areru 73:3

i bukin nanobwiu irouia ake a kainikatonga ngke I noori b'aai b'a a nako raoi i bukiia aomata aika buakaka.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Te Minita 3:19

Ti ikeike ao ti mate n ai aroia maan, ao ti aki raoiroi riki nakoia. Bon ti te b'ai ae akea nanona.

Te Minita 6:6

e ngae ngkana ko maiu i nanon uoua tengaa te ririki ao ko aki kukurei n te maiu aei. N aron ae ko ataia, ti te bo te tabo ae ti na bane n toki iai.

Te Minita 7:18

Kateimatoako i nuukan te kawai. Ko konaa ni karaoa aei ngkana ko karinea te Atua.

Te Minita 7:2

E raoiroi riki irakin te bootaki n taunimate nakon irakin te baka n am'arake, a kauringiira taian taunimate b'a ti na manga boni bane naba ni mate.

Te Minita 9:11

Ao aikai b'aai riki tabeua aika I a tia n noori i aan taai: Aika birim'aaka ao aomata aika a ninikoria a aki tootokanikai n taai nako n te kabobirim'aka ao te buaka. Te wanawana, ni ikotaki ma te niniwana ao te ataib'ai a aki anganiko te marurung n taai nako, te kaub'ai, ke tanoatan taekam. Ti bane n toa n te tekebuaka.

Te Minita 9:3

E bon rangi n aki riai b'a e na booraoi rikin te b'ai ae ti teuana nakoira n tatabemaniira nako. Ti bon tei ni baba, ao ti rangirang ngkai ti maiu, ao i mwiina ti a manga mate.

Ieremia 43:6

Ma ngaia are, ti a kairaki nako irouia Ioanan ma aobitia ni kaineta Aikubita. Ao a kiitana Iuta te koraki n reitaki ma koraki ake a maaenako ngkoa nakon aba tabeua ao koraki naba ake a tib'a oki ni maeka i Iuta.

Maraki 3:15

Bon noori kukureia aomata aika a buakaka aikai. A teetekeraoi aomata nako aika a karaoa ae e kaairua, ao bon akea naba te kangaanga ae e riki nakoia ngkana a kataa te Atua.”

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

1.Tamuera 14:26

ao a roko n te tabo ike a timtim iai i aontano ana karewe te manibeeru. Ma bon akea ae kanna, b'a a maaka maraiaia.