Te Minita 9:15 - Te B'aib'ara

¹⁵ Ma e maiu te kaawa arei ni wanawanan te aomata temanna ae e maiu ni kainano, are e a manga m'aninga te aba taekana n te tai ae e waekoa.

Te Minita 9:15 ပူးပေါင်းရင်းမြစ်များ

Karikani B'aai 40:23

Ma e aki roko n te uringa Ioteb'a te tia uouota ana wain te uea-e rangi ni m'aninga taekana.

2.Tamuera 20:22

Ao e nako neierei ni kawariia kaain te kaawa arei ao e taetae ma ngaiia i bukin karaoan arei. Ao i mwiina, a korea atuun Tieba ao a karenakoa nakon Ioaba. Ao e katanga te bu Ioaba b'a te kanikina, ao a okira mwengaia tautia.

Taeka n Rabakau 21:22

E konaa ni kataenikaia te kaawa ae e on n taian tautia ao n taua te nono ti temanna te aomata ae e wanawana.

Te Minita 2:16

Ti wanawana ke ti nanobaba, ti na boni bane naba ni mate ma ni m'aninga te aba taekara.”

Te Minita 4:13

Ko konaa n rangi n ataei ma ni maiu ni kainano. Ma ngkana ko wanawana, ao ko raoiroi riki nakon te uea ae e nanobaba, ae e aki kan ongo n taeka n reirei.

Te Minita 7:19

E na kakorakorako riki te wanawana nakoia taani kairiiri aika tengaun aika a korakora i nanon am kaawa ae e buubura.

Te Minita 8:10

I noora te aomata ae e buakaka ae e taunaki ma te karineaki, ma a kiitana te kaawa ae e tabu ana Aomata te Atua, ao e m'aninga te aba taekaia. Bon akea nanon b'aai aikai ni kabane.