Te Minita 9:12 - Te B'aib'ara

¹² Bon akea mai buakora ae e ataa te tai ae e na reke iai, b'a konan te kabuanib'ai ae e karina, are ti na kuneira iai kaanga te ika ae e bae n te karaun, ke te mannikiba ae e m'ane n te b'ai ni kam'ane.

Te Minita 9:12 ပူးပေါင်းရင်းမြစ်များ

Taian Areru 11:6

E na kab'aka te ai ma te bubu n ai ae korakora i aoia ake a bubuaka; ao E na katuuaia n te ang ae kabuebue.

Taeka n Rabakau 24:22

Antai ae e ataia b'a tera te kabuanib'ai ae e na karokoa te UEA ke te tia tautaeka?

Taeka n Rabakau 29:6

A na manga bon raweiko am bure, ma akana a maiuakina te raoiroi a na anene mani bootaki ni kukurei.

Taeka n Rabakau 6:15

Ma ane a na oreaki n taian kabuanib'ai aika a karina ao ane a na tiku n akea aia kaantaninga.

Te Minita 3:19

Ti ikeike ao ti mate n ai aroia maan, ao ti aki raoiroi riki nakoia. Bon ti te b'ai ae akea nanona.

Te Minita 8:11

Ngkana ti nooriia aomata aika buure ma buakaka b'a a teimatoa ni kaakaraoa te bure ao a aki katuaaeaki, ao e na kairiira b'a ti na kani kaakaraoa naba te bure.

Te Minita 8:8

Ti aki konaa n tautaekana te ang ke ni baairea ara bong ni mate. Bon akea ae e konaa ni biri nako mani boong ni buaka, ao akea naba ae e konaa ni karabaa i akuun te buakaka.

Te Minita 9:13

N te tai teuana ao I a noora aia iango aomata i bukin te b'ai ae te wanawana.

Itaia 24:18

Ane ko na b'aka i nanon te ruarua ngkana ko maaku ma ni biri nako; ao ngkana ko manga kawanako man te ruarua, ko na manga m'ane ni b'aai ni kam'ane. E a tia ni bwenauaaki karawa kaanga te winto ae e kaukaki. A tia n ruru bouan aan te aonnaba;

Itaia 30:13

Ti te bo te bure aei ma te tabwena are e karika waekoani b'akan ao maenikunin

Etekiera 32:3

Uean Aikubita ko na ongora irou. Bon te UEA Ngai ae te Atua, ae N na m'aneiko n au karaun ao N na karaoia te koraki n ianena b'a a na uaakiniko nako mataniwiin taari.

Otea 7:12

Ma N na raweia n te karaun kaanga te tia raweman ae e kam'aneia taiani mannikiba; I taekinna b'a N na katuaaia, ao N na bon karaoia.

Otea 9:8

Iteraera, e kanakoai te UEA b'a N na tararuaiko. Ma ko kam'aneia ana burabeti nako ao ko kaona ana tembora n te riribai.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

Ruka 12:39

Ma kam na ata aei, b'a ngke arona b'a te aomata are ana auti te auti e a kaman ata te aoa are e na roko iai te tia iraa, ao e na kamarurungnga n tantani b'a e na aki karekea ana tai te tia iraa n urua oon te auti b'a e na rin.

2.I-Korinto 6:2

b'a E kangai te Atua, “I ongo i roum n te tai ae riai, Ao I buokiko n te bongi ni kamaiu.” Noria, ngkai te tai ae riai; noria, ngkai te bongi ni kamaiu.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.

2.Timoteo 2:26

ao tao a na oki aia iango iai, ao a na maiu man ana b'ai ni kam'am'ane te riaboro, ngkai a tia n tauaki i rouna b'a konana ake e karaoia b'a a na karaoa nanona.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

2.Betero 2:12

Ma te koraki aei, aika kanga maan aika aki wanawana, aika bungiaki b'a a na tauaki ni kamateaki, a taetaebuakai baika a aki atai. A na boni kamateaki n ai aroia maan aika aki wanawana;