Te Minita 9:11 - Te B'aib'ara

¹¹ Ao aikai b'aai riki tabeua aika I a tia n noori i aan taai: Aika birim'aaka ao aomata aika a ninikoria a aki tootokanikai n taai nako n te kabobirim'aka ao te buaka. Te wanawana, ni ikotaki ma te niniwana ao te ataib'ai a aki anganiko te marurung n taai nako, te kaub'ai, ke tanoatan taekam. Ti bane n toa n te tekebuaka.

Te Minita 9:11 ပူးပေါင်းရင်းမြစ်များ

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

2.Rongorongo 20:15

Ao e taku Iaatiera: Teuae ko karineaki, ao kaain Iuta ma Ierutarem ni kabane, e taku te UEA b'a kam na aki riai ni maaku, ke ni b'arannano n te taanga ni buaka ane e korakora anne. E na buaka te UEA man ami itera!

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Taian Areru 76:5

A kurib'aiaki aia tautia ake a ninikoria, ao a mate; A aikoa konai ni kabonganai aia b'ai ni buaka.

Taeka n Rabakau 1:5

Ngkana kam'aa kaman wanawana, kam na manga wanawana riki. Ao ngkana kam birikatai, ao kam na manga rabakau n ataib'ai,

Te Minita 2:12

I titirakinai ni kaangai, “Tera ae I tuai ni karaoia ae e na karaoia te uea ae e na onea mwiiu?” Ao i mwiina, I a iangoia b'a N na kabotaua te wanawana ma te nanobaba ao te nanoroo.

Te Minita 3:14

A na bane n akea tokini b'aai ni kabane aika e karaoi te Atua, akea te b'ai ae E karaoia ae e na manga bitaki. E a tia ni karaoi b'aai aikai ni kabane te Atua, b'a ti aonga n taromauriia.

Te Minita 3:17

Ma ngaia are, I taku nako iu b'a e a tia te Atua ni kotea te tai ao te tabo i bukin b'aai nako. E na boni motikitaekaia aomata nako aika a buakaka, ao aika a raoiroi.

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Te Minita 7:13

Iangoi b'aai aika e a tia ni karaoi te Atua! Ngkana arona b'a e kab'aouai b'aai te Atua, ko konaa ni manga kaeti?

Te Minita 9:2

Ma ni koauana raoi e na bon ti te bo te b'ai ae e na riki naba nakoira ni kabane n tokina, e ngae ngkana tao ti maiuakina te raoiroi ma ni karinea te Atua, ke ngkana tao ti bure ma n aki karinea te Atua. Eng, e na bon riki naba te b'ai ae ti te bo ngkana ti anga ara karea nakon te Atua ke ngkana ti aki, ke ngkana ti kakoroa bukin ara berita ke ngkana ti urui.

Te Minita 9:3

E bon rangi n aki riai b'a e na booraoi rikin te b'ai ae ti teuana nakoira n tatabemaniira nako. Ti bon tei ni baba, ao ti rangirang ngkai ti maiu, ao i mwiina ti a manga mate.

Ieremia 46:6

Kam marurung ao kam biri m'aaka, ma kam aki konaa ni biri nako. Kam b'aka n te buaka i rarikin te Karaanga are Iuberetiti.

Ieremia 48:14

Ko taekinna b'a a korakora ma n ninikoria am tautia.

Ieremia 9:23

E taku te UEA: Kam na aki kamoamoa i bukin wanawanami ke korakorami ke kaub'aimi.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

Te Tua-Kaua 8:17

Ngkana kam tetekeraoi, ao kam na aki kaangai, I a kaub'ai, I boni karekei ni korakorau.

Te Tua-Kaua 8:18

Ma, kam na uringa te UEA ae Atuami are anganingkami te marurung i bukin karekean maiumi. Ao anne arona ni kaawakin ana Berita nakoia ami bakatibu.

1.Tamuera 17:50

Ao Tawita e kona Koria n ana bana ma te atiibu. E aki kamanena te kabaang n tiringnga.

1.Tamuera 6:9

Ao taraia b'a ngkana e kaineta kaawan Iteraera are Beta Temeti, ao e a bon okira ana kaawa, are nanona ngkanne b'a bon te UEA ae karokoi taian rawawata aikai i roura. Ma ngkana e aki okira abana te Atiniberita, ao nanona ngkanne b'a bon tiaki te UEA ae karokoi taian aoraki aikai i aora, ngaia bon te tekebuaka ae bon riki i bon i rouna.