Te Minita 9:10 - Te B'aib'ara

¹⁰ M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Te Minita 9:10 ပူးပေါင်းရင်းမြစ်များ

Karikani B'aai 37:35

Ao a bane n roko natina mm'aane ma natina aine ni karaua nanona, ma e rawa ni karauaki nanona, ao e taku, “N na nakon ruanimateu, N na mate ma n taunaki.” Ao e a manga reitanako naba tanginiweneina i bukin natina are Ioteb'a.

1.Rongorongo 22:19

Ongotaeka iroun te UEA ae Atuami ma nanomi ni kabanea ao Tamneimi ni kabanea. Kam na moana karaoan te Tembora ni karineana, b'a a aonga ni konaa ni kaawakinaki ikai te Atiniberita ma b'aai ake a na kabonganaaki i bukin te taromauri ikai.

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

Neemia 2:12

ao I teirake n te tairiki teuana ao I kiitana au auti. I kairiia tabeman m'aane ma ngai, ao akea temanna ae I tuangnga b'a tera ae e tangiria te UEA b'a n na karaoia nakon te kaawa are e buubura arei. Ti raou n te tai anne bon te aati are I toka i aona.

Neemia 4:2

Ao e taku i mataia raoraona ao ana taanga ni buaka Tamaria, “Tera ae a kataia ni karaoia te koraki ni I-Iutaia aika a mamaara aikai? Tao a taku b'a a konaa ni karaoa te b'ai man taiani b'ariko n atiibu aikai?”

Neemia 4:6

A rangi ni m'akuri korakora aomata, ao ti a tia ni manga karaoa iteran oon Ierutarem.

Iobi 10:21

N na waekoa n nako, ao I aki manga oki rikaaki N na nakon te aba ae roo ma n rotongitong,

Iobi 10:22

are aban te roo, te nuu, ao te mangaongao, are kanga ai aron te rotongitong otana.

Iobi 21:13

A maiu i nanon te kukurei, ao a mate ma te rau n akea te maraki.

Taian Areru 6:5

Akea uringam irouia aika mate; ao antai ae kona n neboiko i Tiore?

Taeka n Rabakau 3:28

Ko na aki tuanga kaain rarikim b'a e na manga oki nakon te ingabong, ngkana ko konaa ni buokia n te bong aei.

Te Minita 11:3

E aki toki n uouota te karau te nangi ni karau; a bon tiku naba taian aroka ni nneia ake a b'aka iai.

Te Minita 11:6

Unika arokam n te kaarangaina, ao tiiku ni m'akuri i nanon am tawaana ni karokoa e roo. Antai ae e ataia, ao ngaia e na kabooaki am m'akuri, ao a na bwebwerake am koraa.

Itaia 38:10

I taku ngai b'a N nang mate i nanon au bong n rorobuaka ma ni kabureaki n akea au tai i abaia maate.

Ieremia 29:13

Ane kam na taromauriai ma nanomi ni koaua, ao N na raraoningkami

Warekaia Iteraera 13:30

Ao e tuangiia aomata Kareb'a b'a a na aki karongoa, ao e taku, “Ti na nako n taua te aba. I ataia b'a e na reke i roura!”

Mataio 20:7

A taku nako ina, ‘B'a akea ae kam'akurira.’ E taku nako ia, ‘Kam na nako naba nakoni nnen te kureebe.’

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

Ioane 9:4

E riai b'a ti na karaoi ana m'akuri Teuare kanakomaiai, ngkae e ngaina; e a kani bong, ao akea ae e kona ni m'akuri iai.

I-Rom 12:11

A na aki b'ara nanomi man te baere kam uaiakinna; kamatoai angin nanomi; tooro iroun te UEA.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

1.I-Korinto 16:10

Ngkana arona b'a e roko i roumi Timoteo, ao kam na tarataraia b'a a na akea te bae e na makiningkami iai; b'a te tia m'akuri ngaia i bukin te UEA, n ai arou naba.

1.I-Korinto 9:24

Kam aki ataia b'a mai buakoia aomata ni kabaneia ake a ira te kabo birim'aaka n te tabo ni biri, ao bon ti temanna ae na reke i rouna te kaniwanga? Kam na biri b'a e aonga n reke i roumi.

1.I-Korinto 9:26

Ma ngaia ae I aki biri n aki akaaka, ao I aki itau n ai aron temanna ae orea te akea;

I-Ebeto 5:16

Kam na kabongana te tai ane kona n reke iroumi i bukini karaoan ae e raoiroi, b'a a buakaka aomata ni boong aikai.

I-Korote 3:23

Ao tera ane kam karaoia, kam na karaoia ma nanomi ni koaua, b'a kanga i bukin te UEA, ao tiaki i bukiia aomata;

1.Tamuera 10:7

Ao ngkana a tia n riki baikai, ao kam na karaoi b'aai nako akana kam taku b'a a eti! E na buokingkami te Atua.