Te Minita 8:7 - Te B'aib'ara

⁷ e ngae ngke bon akea ae e konaa n taekin kanoani boong aika a na roko.

Te Minita 8:7 ပူးပေါင်းရင်းမြစ်များ

Etita 5:12

Ao e reitanako ana taeka ma n taku, Ma ai moara riki aron Nei Etita are te ueanaine, b'a bon akea ae e a tia ni karaoa ana baka n am'arake i bukina, ma bon ti nakon te uea ao ngai, ao e a manga kaoiira naba b'a ti na manga oki nakon te ingabong.

Taeka n Rabakau 24:22

Antai ae e ataia b'a tera te kabuanib'ai ae e na karokoa te UEA ke te tia tautaeka?

Taeka n Rabakau 27:1

Ko na aki kamoamoa i bukin te ingabong! b'a ko aki ataa kanoan te bong teuana ma teuana.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Te Minita 10:14

A aki konaa ni b'ara riaia, ma bon akea mai buakora ae e ataia b'a tera kanoan boong aika a na roko.

Te Minita 3:22

Ti bon nanonaki b'a ti na kukurei n ara m'akuri, ao bon anne te b'ai ae ti konaa ni karaoia. Ti bon aki konaa n atai boong aika a na roko.

Te Minita 6:12

E uarereke te maiu ao akea nanona, ao e mauna nako kaanga te nu. Antai ae e ataa te b'ai ae e rangi n raoiroi i bukira? Antai ae e ataia b'a tera ae e na riki ngkana ti a nako?

Te Minita 7:14

Ko na rangi ni kukurei ngkana a nakoraoi taai, Ko na iango b'a tera bukina ngkai a roko taai aika a buakaka. E karikii te Atua ni kauoua b'a ti aonga n ataia b'a tera ae e na manga riki i mwiina.

Te Minita 9:1

I iangoi baikai. Ao i mwiina, I a ataia b'a bon iai m'aakan te Atua i aoia aomata ni kabane, e ngae ngkana ti wanawana ngaira aikai ao ti maiuakina te raoiroi. A konaa n riki b'aai ni kabane nakoira, ma ngaia ae, ti aki konaa n ataia b'a tera uotan te maiu, tao te raoiroi ke te buakaka.

Te Minita 9:12

Bon akea mai buakora ae e ataa te tai ae e na reke iai, b'a konan te kabuanib'ai ae e karina, are ti na kuneira iai kaanga te ika ae e bae n te karaun, ke te mannikiba ae e m'ane n te b'ai ni kam'ane.

Mataio 24:44

Ma ngaia ae kam riai naba ni b'aina te tauraoi; b'a ae E na roko Natin te Aomata n te aoa are kam aki kaantaningaia iai.

Mataio 24:50

Ane na roko ana toka te toro arei n te bong are e aki kaantaningaia te toro, ao n te aoa ae e aki ataia,