Te Minita 7:8 - Te B'aib'ara

⁸ E raoiroi riki te b'ai ae e a tia nakon te b'ai ae e a tib'a karaoaki; e raoiroi riki te taotaonaki n nano nakon te kainikatonga ae e korakora.

Te Minita 7:8 ပူးပေါင်းရင်းမြစ်များ

Taeka n Rabakau 13:10

E karika te kangaanga te kamoamoa ae e korakora. Kaiangoraoiko ao kaawakin reireiam.

Taeka n Rabakau 14:29

Bon te m'akuri ae e wanawana te taotaonaki n nano, ma bon te bangab'ai te kakaiun.

Taeka n Rabakau 15:18

Te kakai un e kariki kiriwe aika a bati, ma te tiku n rau e kanakoraoi ngurengure nako.

Taeka n Rabakau 16:32

E raoiroi riki taotaonan unim nakon te riki ni kakannato b'a kam a tia n taua te kaawa teuana n te buaka.

Taeka n Rabakau 28:25

A kareerekea te kangaanga aomata aika a ti iaiangoia i bon irouia, ma e na teetekeraoi maium ngkana ko onimakina te UEA.

Te Minita 7:1

E raoiroi riki te atoatongaki ae e raoiroi n tain te mate nakon te tangira are e tararuaaki iai i nanon tain te bungiaki.

Ruka 16:25

Ma e taku Aberaam, “Natiu, ko na uringnga b'a ngkoe n am tai ni maiu ao a rereke nako im baika raraoi, ma Rataro e rereke i rouna baika buakaka; ma ngkai, e a reke i rouna raun nanona ikai, ao ngkoe ko kainano ni maraki.

Ruka 21:19

Ane kam na kareke maiumi n nanom'aakami.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Ebeto 4:2

kam na b'aina te nanorinano ni kabanea ma te nimamannei, ma te taotaonaki n nano, ni tob'atob'ai aromi ma te nano n tangira;

Ebera 10:36

E riai b'a kam na nanom'aka, b'a kam aonga ni karaoa nanon te Atua ao e na reke i roumi iai te baere e taekinaki n te taeka n akoi.

Iakobo 5:11

Noria, ti taku b'a a kab'aia ake a nanom'aka. Kam a tia n ongo nanom'aakan Iobi, ao kam ata aron te Uea n tabeakinna n tokina. B'a moan te nanoanga te Uea, ao E akoi.

Iakobo 5:8

Kam riai naba ngkami n taotaon nanomi. Kam na nanomatoa, b'a e a kaan rokon te Uea.

1.Betero 1:13

Ma ngaia ae kam na tatauraoi n ami iango nako; kam na kamarurungngkami, ao kam na teimatoa ni kaantaninga te akoi are na uotaki nakoimi ngkana E a manga oki Iesu Kristo.