Te Minita 7:29 - Te B'aib'ara

²⁹ Iai te b'ai teuana ae I ataia: Ti rangi n raoiroi ngkoa ngke e moan karikiira te Atua, ma ngkai a tia ni b'aoua ara iango.

Te Minita 7:29 ပူးပေါင်းရင်းမြစ်များ

Karikani B'aai 5:1

Ao aikai araia kanoaia kanoan Atam. (Ngke E karaoia aomata te Atua, ao E karaoia b'a boni katotoongana.)

Taian Areru 106:29

Ao a kaunna n aia m'akuri anne, ao e b'akariia te aoraki are kamaamate.

Taian Areru 106:39

A kam'araeaki n aia m'akuri, ao a aki kakaonimaki nakon te Atua.

Taian Areru 99:8

Te UEA ae Atuara, Ko ongo irouia am Aomata; E boni ngae ngke Ko kareke kaiia i bukin aia bure, Ma Ko boni kaotiko naba nakoia b'a te Atua Ngkoe ae te tia kab'ara buure.

Te Minita 8:1

Antai ae e tim'aati ni konaa ni kab'arab'arai b'aai ni kabane? E kaungaa nanom te wanawana ao e anganiko te matangare.

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Etekiera 28:15

Ko rangi n raoiroi man te tai are ko bungiaki iai, ma tabeua te tai i mwiina ko a moanna ni karaoi b'aai aika a buakaka.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.