Te Minita 7:17 - Te B'aib'ara

¹⁷ Ko na tai mate i m'aain am tai ti i bukin karaoan ae e buakaka, ke karaoan m'akuri n nanobaba.

Te Minita 7:17 ပူးပေါင်းရင်းမြစ်များ

2.Tamuera 6:20

Ao e okira mwengana Tawita b'a e aonga ni konaa ni buubutiia te UEA b'a e na kakab'aiaia ana utu. Ma e otinako Nei Mikara are natin Tauro te aine ao e a tatakarua nakoina ni kaangai, “Ko rangi ni kakannato n te bong aei! Ko karaoa aron te unim'aane ae e baareka, ni m'am'aie ni bebeekan i mataia am taan ni m'akuri aika ataeinaine.”

Iobi 22:16

A uotaki nako n te ieka e ngae ngke a tuai n roko aia tai.

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Taeka n Rabakau 10:27

Ngkana kam karinea te UEA, ao e na bon anaanau maiumi, ngkana kam teimatoa ni kaakaraoa ae e kaairua, ao e na koreaki ni kauarerekeaki maiumi.

Etekiera 16:20

Ma ko bon karaoi b'aai riki aika a buakaka riki nakon anne, ko anga oin natim b'a am karea nakon taian bouannanti aikai!

Etekiera 8:17

E taku te Atua, Etekiera, e rangi ni buakaka ngkai a karaoi b'aai aika a rangi n ribaaki kaain Iuta. Ao a bon kabutanakoa naba te tiritiri ma te motibuaka i aon Iteraera ni kabane ao a rangi ni kaunai. A tia ni kamatauningaai ma ni kamamaaeai n aia m'akuri nako aika a rangi ni buakaka.

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

M'akuri 16:28

Ma e kanenea b'anaana B'auro n taetae nakoina ni kaangai, “Tai karaoa ae buakaka nako im, b'a ti bane ni mena ikai!”

M'akuri 5:10

Ao e mate neierei n te tai naba arei, ao e b'aka i rarikini waeni Betero; a rin rorobuaka akekei, ao a noria b'a e a mate; ma ngaia are a uotia nako n taunna i rarikini buna.

M'akuri 5:5

Ngke e ongo taeka aikai Anania, ao e b'aka b'a e mate; ao a taonaki n te maku ae korakora aomata ake a ongo taekan te baei.

Iakobo 1:21

Ma ngaia ae kam na kaaki aromi aika kam'ara ma kateimi ni kabane aika bubuaka, ao kam na kaaki i nanomi ma te nimamannei te taeka are unikaki are kona te kamaiungkami.

1.Tamuera 25:38

Tebwina te bong i mwiina, E orea Nab'ara te UEA ao e mate.