Te Minita 7:15 - Te B'aib'ara

¹⁵ I a tia n noori b'aai ni kabane i nanoni maiu ae akea manena aei. I a tia n nooriia kaain te kaawa aika a mate i bukin karaoan te eti, ao I a tia n nooriia taani bure aika a maiu ni karokoa karaia.

Te Minita 7:15 ပူးပေါင်းရင်းမြစ်များ

Karikani B'aai 47:9

Ao e taku Iakob'a, “M'aitin au ririki i nanon maiu ae te m'am'ananga bon tebubua tenibwi te ririki. Ao ririkini maiu aikai a bon kimototo, ao a kamaamate, tiaki aron anaanaun ririkin maiuia au bakatibu i nanon maiuia naba ni m'am'ananga.”

1.Uea 21:13

Ao a bukinna ni taetaebuaka te Atua ao te uea, ma ngaia are, a uaakinna aomata nako tinaniku ao a karebanaia n atiibu ni karokoa matena.

Taian Areru 10:3

E kainikatonga te aomata ae buakaka n ana iango aika bubuaka; Ao te aomata ae kani b'aib'ai e karereantia te Atua.

Taian Areru 39:6

kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Te Minita 2:23

E kainano rab'atara i nanon te ngaina, ao e kamaraki te m'akuri. Ao n te tairiki e aki rau ara iango. Bon akea nanona.

Te Minita 3:16

I noora te waaki ae e buakaka, ao ae e aki eti n taabo nako n te aonnaba n onea mwiin te waaki ae e raoiroi ao ae e eti.

Te Minita 6:12

E uarereke te maiu ao akea nanona, ao e mauna nako kaanga te nu. Antai ae e ataa te b'ai ae e rangi n raoiroi i bukira? Antai ae e ataia b'a tera ae e na riki ngkana ti a nako?

Te Minita 9:9

E kimototo te maiu aei, ao ko tangira buum, ma ngaia are, kakukureiko ni mena i rarikina. Bon aei te b'ai ae ko kaantaningaaki b'a ko na karaoia, ngkai ko tabe ni korakai n te maiu n te aonnaba aei.

Itaia 65:20

Akea ae e na mate i nanon uarerekena, ao aomata ni kabane a na ab'ab'aki maiuia. Akana tebubua aia ririki a na atongaki b'a merimeri. Ngkana iai aika a mate i m'ain karaiia a na atongaki b'a I katuaaia.

Ioane 16:2

Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

M'akuri 7:52

Antai i buakoia burabeti ae aki b'ainikirinaki irouia ami bakatibu? Boni ngaiia ake a tiringiia uake a kaman tataekina rokon Teuare Raoiroi, are Ngaia are kam a tia ngkai ni kam'anea ao kam tiringnga.