Te Minita 7:14 - Te B'aib'ara

¹⁴ Ko na rangi ni kukurei ngkana a nakoraoi taai, Ko na iango b'a tera bukina ngkai a roko taai aika a buakaka. E karikii te Atua ni kauoua b'a ti aonga n ataia b'a tera ae e na manga riki i mwiina.

Te Minita 7:14 ပူးပေါင်းရင်းမြစ်များ

1.Uea 8:47

Rimwi, a na namakina aia bure ao a na butiiko kab'araan aia bure. Kaekaia ngkana a tataro ni kaaitaraa te Tembora aei ae I a tia ni karaoia i bukin n am kaawa ae Ko rineia aei i nanon te aba are Ko anganiia aia bakatibu. Ko na ongora mani mwengam i karawa nakon aia tataro korakora ao kaekai aia buubutii.

Iobi 2:10

Ao e kaeka Iobi, “Ko taetae ni baba. Ngkana E anganiira baika raraoi te Atua, ao ti kariaia, ao e aera ngkai ti na ngurengure ngkana E anganiira taiani kangaanga?” Bon akea te b'ai ae taekinna Iobi ni kaaitaraa te Atua i bukin kamarakakina aikai ni kabane.

Taian Areru 119:71

E manena nako iu karawawataau, b'a I reireiaki iai n am Tua.

Taian Areru 40:3

E reireiai b'a N na anenea te kuna ae boou, i bukini karaoiroan Atuara. A na nora aio aomata aika bati, ao a na karinea ma n onimakina te UEA.

Te Minita 10:14

A aki konaa ni b'ara riaia, ma bon akea mai buakora ae e ataia b'a tera kanoan boong aika a na roko.

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Te Minita 12:8

Akea nanon b'aai nako. I a tia n noori ni kabane akea nanon b'aai nako.

Te Minita 3:22

Ti bon nanonaki b'a ti na kukurei n ara m'akuri, ao bon anne te b'ai ae ti konaa ni karaoia. Ti bon aki konaa n atai boong aika a na roko.

Te Minita 3:4

te tai n tang ao te tai ni ngare, te tai n nanokawaki ao te tai ni kukurei,

Te Minita 5:17

I rarikin aikai, ao a aki toki n am'aam'arake n te roo, a aki rau, a aoraki ao a un.

Te Minita 8:7

e ngae ngke bon akea ae e konaa n taekin kanoani boong aika a na roko.

Te Minita 9:7

Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Itaia 42:25

E a rangi ni un irouia ao e katuuaia ana botannaomata n taiani buaka aika a kabuebue. Ma a bon aki tabe iai. A bon aki naba tabe ngkana a katobibiaki ma n rootaki ni kabuebuen te ai.

Ieremia 23:20

E na bon aki toki unu, ni karokoa e tia te b'ai ae I a tia ni baaireia b'a N na karaoia. N te bong teuana ane kam na ataa raoi nanon te b'ai ae I nanonna.

B'aeb'aeti 3:38

E tautaekana te raoiroi ma te buakaka.

Mika 6:9

E wanawana ane e maaka te UEA. E wetea te kaawa ni kaangai, “Kam na ongora ngkami aomata aika kam bootaki i nanon te kaawa!

Mataio 9:13

Kam na nako n reireingkami b'a tera ae nanonaki n taeka aikai: ‘I tangira te nanoanga, ao I aki tangira te angakarea.’ B'a I aki roko b'a N na weteia akana raoiroi, ma I roko b'a N na weteia akana buakaka.”

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

Te Tua-Kaua 26:11

Ao i mwiina, kam na karaoa ami bootaki n am'arake ngkami ma ami utu n te tabo n taromauri ni kaaitaua te UEA ae Atuami i bukin anganakimi uaan te tai aika raoiroi. Ao kam na ururingnga naba ni kaoiia kanoan Rewi ao iruwa akana maeka n ami kaawa.

Te Tua-Kaua 28:47

Ngkana E a tia ni kamaiuraoingkami te UEA, ma kam aki taromauriia ma ni karinea ma nanomi ni kukurei,

Te Tua-Kaua 8:3

ma ngaia are, E karaoingkami b'a kam na baki. Ao i mwiina E anganingkami te maana, te aekaki n am'arake ae a bon tuai man ongongo taekana ami bakatibu. E reireiningkami te UEA b'a a aki ti kainanoa te am'arake aomata i bukin maiuna--a kainanoa Ana taeka ni kabane te UEA ake E taekin.

Te Tua-Kaua 8:5

Ma ngaia are, kam na kaaki i nanomi te koaua ae E a tia ni boaingkami te UEA, n aron te karo ma te tina ngkana a boaiia natiia.

Iakobo 5:13

E taonaki temanna i buakomi n te rawawata? Ke e tataro. E kukurei temanna? Ke e anene.