Te Minita 7:13 - Te B'aib'ara

¹³ Iangoi b'aai aika e a tia ni karaoi te Atua! Ngkana arona b'a e kab'aouai b'aai te Atua, ko konaa ni manga kaeti?

Te Minita 7:13 ပူးပေါင်းရင်းမြစ်များ

Iobi 11:10

Ngkana E katikiko te Atua ma ni kateiko n te bowi, ao antai ae na tuukia?

Iobi 12:14

Ngkana e urub'ai te Atua, akea ae kona ni manga kateia, akea naba ae kona ni kab'ara te aomata ae kainna te Atua n te karabuuti.

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Iobi 37:14

Kainab'aabu teutana Iobi, ao kakauongo; iangoi b'aai aika kamimii aika E karaoi te Atua.

Iobi 9:12

E anaa te b'ai ae bon taku, ao bon akea temanna ae kona ni katokia; akea temanna ae na kataia n titirakinna ni kaangai, tera ae Ko karaoia?

Taian Areru 107:43

Ao akana wanawana, ke a iaiangoi baikai; Ke a kareke aia iango n ana ataataiaomata te UEA.

Taian Areru 8:3

Ngkana I tarataraa karawa are Ko a tia ni karaoia, ma nam'akaina ma itoi, ake Ko katikui ni nneia

Te Minita 1:15

Ngkana e b'aoua te b'ai teuana, e bon aki konaa ni manga kaetaki; ngkana akea rab'atan te b'ai teuana, ao e bon aki konaa ni warekaki.

Te Minita 3:11

E kariki b'aai te Atua n taia aika a riai. Ma bon akea temanna mairoura ae e ataa raoi te b'ai ae E a tia ni karaoia, ao E katikui inanora taian titiraki i bukin boong aika a tia n nako, ao boong aika a na roko.

Te Minita 8:17

I noori b'aai ni kabane aika e karaoi te Atua, ao I a ataia b'a bon akea temanna ae e konaa n atai aroia. Ti konaa n rangi ni wanawana, ma bon akea boonganana b'a tao m'aitira ara tai ni kataia, ke n taekinna b'a ti ataia, ma ti bon aki atai b'aai n aroia ni kabane.

Itaia 14:27

E a tia te UEA ae Moan te M'aaka ni baairei baikai. Akea ae e konaa ni katokai ngkai!

Itaia 43:13

Bon te Atua Ngai ngkai ao n aki toki. Bon akea ae e konaa n rawei ngkami mai irou. ke n te tei i m'aain kawaiu.

Itaia 5:12

Iai taiani b'aini katangitang aika taiani karai i nanon tain ami mooi ni kukurei, n reitaki ma taian timbere ao taian kaib'ab'aa. Ma kam tuai man iangoi b'aai ni kabane aika e a tia ni karaoi te UEA,

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Ruka 12:26

Ngkana ngaia b'a kam aki kona ni karaoa te b'ai ae uarereke ae ai aron anne, ao e aera b'a kam na iango n raraoma i bukini b'aai akekei?

I-Rom 9:15

B'a E kaangai nakoni Mote, “N na akoa ane I kan akoia, ao N na nanoangaea ane I kan nanoangaia.”

I-Rom 9:19

Ane ko na titirakinai iai ngkanne ni kaangai, “Ao e aera te Atua ngkae E aki toki ni kakaea kairuan te aomata? B'a antai ae tuka nanona?”

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;